#BURUDANI>>>Mr Nice Azungumzia Tetesi Kuwa Ana Ugonjwa wa Ukimwi.Fahamu zaidi hapa.

Gazeti la Taifa Leo la nchini lilifanya mahojiano na msanii mkongwe wa muziki wa Tanzania Mr Nice. Katika moja swali ambalo aliulizwa ni kuhusu tetesi ambazo zimesambaa nchini humo kuwa ana HIV.

Muimbaji huyo ambaye kwa sasa anafanya muziki wake nchini Kenya, alikanusha uvumi huo huku akieleza nini kilimkuta mwaka jana mpaka akalazwa hospitali kwa miezi kadhaa.

“Kaka wewe mwenyewe ukinicheki nilivyo fresh nina ngoma kweli?,” Mr Nice alimuuliza mwandishi huyo huku akicheka. “Siugui Ukimwi lakini ni kweli mwaka jana nililazwa hospitali kwa miezi mitatu kuanza October. Nililishwa sumu kali wakati wa kampeni za uchaguzi lakini hatukuweza kubaini ni nani alifanya hivyo lakini tulijua ni mambo ya siasa na nikamwachia Mungu.

Katika hatua nyingine Mr Nice alisema Tanzania kuwa na wasanii wengi kwenye tuzo za MTV MAMA 2016 kuliko jirani zake Kenya na Uganda kulitokana juhudi za msanii moja moja.

“Kusema kweli wasanii wa Tanzania wamekuwa wakishindana wenyewe kwa wenyewe, kila mmoja anataka kufanya kazi nzuri kuliko mwenzake. Kwahiyo binafsi naona hii hali imesaidia kuwajenga wasanii wa Tanzania pamoja na muziki kiujumla,”

Read More

#YALIYOJIRI>>>Tundu Lissu Akataa Kujisalimisha Mahakamani Bila Barua ya Witoi.Fahamu zaidi hapa.

Siku moja baada ya Mahakama ya Hakimu Mkazi Kisutu, Dar es Salaam kuagiza Mbunge wa Singida Mashariki (Chadema), Tundu Lissu akamatwe kwa kushindwa kuhudhuria kortini, mbunge huyo amedai hana taarifa hizo hivyo hawezi kujisalimisha popote.

Lissu ambaye ni Mnadhimu Mkuu wa kambi ya upinzani bungeni, alidai atajisalimisha tu kwenye vyombo vya dola au kwenda mahakamni ikiwa atapelekewa barua aliyoandikiwa na mahakama na kutiwa saini na kugongwa muhuri na hakimu. 

“Kaka, mimi siwezi kufanyia kazi za magazeti katika masuala ya kisheria, nipo hapa ninaendelea na shughuli zangu kama kawaida na kama mnavyoniona niko katika kuwawakilisha wananchi wa jimbo langu,” alieleza Lissu. 

Mwanasheria huyo mkuu wa Chadema alitoa maelezo hayo jana alipohojiwa kuhusiana na habari zilizoandikwa na vyombo vya habari, kwamba Mahakama ya Kisutu juzi iliagiza mbunge huyo akamatwe baada ya kushindwa kuhudhuria katika kesi inayomkabili. 

Mbali ya mahakama hiyo kutoa hati ya kukamatwa kwa Lissu, pia iliagiza iandaliwe hati ya kuitwa mahakamani kwa wadhamini wake ili wajieleze kwa nini wasilipe fungu la dhamana walilotia saini ambalo ni Sh10 milioni.

Kwa mujibu wa Hakimu Mkazi wa Kisutu, Thomas Simba, Lissu amekuwa hahudhuri kortini kusikiliza kesi ya uchochezi inayomkabili pamoja na wahariri wa gazeti la Mawio, Simon Mkina na Jabir Idrisa na mchapaji wa magazeti, Ismail Mehboob. 

Katika kesi hiyo, inadaiwa kuwa kati ya Januari 12 hadi 14 mwaka huu, Dar es Salaam, Lissu na wenzake walikula njama za kuchapisha chapisho la uchochezi katika gazeti la Mawio lenye kichwa cha habari: “Machafuko yaja Zanzibar”.

Juzi, siku ambayo kesi hiyo ilipangwa kutajwa tena, Lissu hakuwapo mahakamani kutokana na kile mdhamini wake Robert Katula alichodai kuwa mshtakiwa huyo anaendesha kesi ya uchaguzi Mahakama Kuu Tanzania, Kanda ya Mwanza hivyo asingeweza kuhudhuria.

Kutokana na maelezo hayo wakili wa upande wa Jamhuri, Patrick Mwita aliomba mahakama hiyo kutoa hati ya kukamatwa mshtakiwa jambo ambalo Hakimu Simba alikubali pamoja na wito kwa wadhamini kufika mahakamani Novemba 21, mwaka huu.

Alipoulizwa kuhusu hatua hiyo, Lissu alisema kuwa wito wa kwenda mahakamani ni lazima barua iwe imeandikwa na kugongwa muhuri na kutiwa saini ya hakimu wa mahakama na siyo kusikia na kwenda bila ya kuwepo kwa wito kamili.

Read More

Wanaojichubua Wana Matatizo ya Kisaikolojia.Fahamu zaidi hapa.

WATU wanaopenda kujibadilisha miili na ngozi zao kwa kutumia vipodozi vyenye kemikali za kujichubua na kubadilisha mwonekano wa sehemu za maumbile yao wametajwa kuwa miongoni mwa watu wanaosumbuliwa na matatizo ya kisaikolojia.

Mwenyekiti wa Kigoda cha Mwalimu Nyerere, Profesa Penina Mlama alisema wanawake na wanaume ambao wanatumia vipodozi hivyo wana matatizo ya kujiamini, hivyo huchukua uamuzi wa kujibadilisha.

Aliyasema hayo jana wakati akizungumza kwenye mkutano wa kimataifa kati ya Shirika la Codersia na Majumuhi (Pan African) ya Kigoda cha Mwalimu Nyerere wa kujadili mabadiliko ya mwili ambayo yamekuwa yakifanywa na watu mbalimbali.

Alisema watu wamekuwa wakifanya mabadiliko kwa kujichubua, kujichora mwilini (tattoos), kuongeza maumbile bila kujua kuwa kuna madhara makubwa ya kufanya hivyo.

“Mabadiliko haya yana madhara makubwa kiafya na kijamii…wengi wanaojibadilisha hawajiamini na wana matatizo ya kisaikolojia, mabadiliko haya yana gharama kubwa sana, lakini hata baada ya kupata madhara pia ni gharama,” alisema Profesa Mlama na kuongeza kuwa, katika mkutano huo wataangalia kiini cha kujibadilisha, huku akiainisha kuwa baadhi ya watu wanaojibadilisha wanafanya hivyo kutokana na msukumo katika jamii na kutaka wafanane na watu wengine.

Msomi huyo alisema kwa hapa nchini, tatizo kubwa la kujichubua lipo kwa wanaume na wanawake na baada ya mkutano huo wataangalia zaidi eneo lingine lililoathirika zaidi.

“Tutafanya utafiti kwa nini watu wanaongezeka kwenye madhara ambayo ni gharama, kwa nini wanafanya hivyo na kama wana elimu ya kutosha juu ya wanachokifanya,” alisema.

Naye Katibu Mtendaji wa Codesria, Ebrima Sall alisema, pamoja na kwamba watu wanaofanya hivyo wana matatizo ya kisaikolojia, lakini pia wataangalia namna ya kuzishauri serikali namna ya kudhibiti matumizi ya vipodozi hivyo.

Alisema watajaribu kuangalia namna ya kushauri watunga sera, serikali na vyombo vinavyohusika na biashara namna ya kuzuia vipodozi hivyo, kwa kuwa vimekuwa vikihusika katika kutoa vibali vya kuingizwa kwake.

Sall alisema suala la watu kujibadilisha miili yao limekuwa tatizo kubwa duniani, huku akieleza kuwa kwa Afrika hilo linakuwa ni jambo la kushangaza kwa sababu wanawake na wanaume wamekuwa wakiacha utamaduni wa Kiafrika.

Read More

Mama Wema Sepetu Afunguka Kuhusu Ugomvi wa Wema na Munalove....Adai Marafiki Wanamtumia Kumuuza Kwa Wanaume.Fahamu zaidi hapa.

Bifu ya Wema Sepetu na Muna Love imeingia ukurasa mpya baada ya Mama Wema Sepetu kujitokeza na kuongea Mengi huku akimpelekea Wema Lawama na kumtetea Muna..Nimekuwekea Sauti hapa chini mama Wema Akiongea kuhusu sakata hilo na kuhusu Wema Kutumiwa na Kuuzwa kwa Wanaume....

Sikiliza Hapa:

Read More

#YALIYOJIRI>>>Rais Magufuli Atamani Kuhudhuria Tamasha la Fiesta Dar.Fahamu zaidi hapa.

Rais wa Jamhuri ya Muungano wa Tanzania Dkt John Pombe Magufuli amesema alitamani kuhudhuria tamasha la muziki la Fiesta ambalo litafanyika Jumamosi hii katika viwanja vya Leaders Club.
Akiongea na waandishi wa habari Ijumaa hii Ikulu jijini Dar es salaam, Magufuli alisema alitamani kuhudhuria tamasha hilo ili apige tumba lakini majukumu ya kazi yamembana.

“Natamani kwenda Fiesta siku ya kesho sema hii kazi inanibana kwa kuwa itakuwa live nitaifuatilia kupitia kwenye runinga,” alisema Magufuli.

Pia Rais huyo ambaye kesho November 5 anatimiza mwaka mmoja toka aingie madakani, alimmwagia sifa msanii wa muziki wa asili Mrisho Mpoto kwa kufanya muziki wenye maadili na kuelimisha.

Read More

#YALIYOJIRI>>>Taarifa ya hatua iliyofikiwa katika mchakato wa ujenzi wa reli ya standard gauge.Fahamu zaidi hapa.

Serikali ya Awamu ya Tano ndani ya mwaka mmoja imeanza mipango ya kuboresha usafiri wa reli ya Kati kwa kuijenga kwa kiwango cha kimataifa yaani Standard Gauge. Usafiri huu utaongeza fursa za kiuchumi kwani mazao ya chakula na biashara toka mikoa ya Kigoma, Kagera, Mwanza, Shinyanga, Simiyu, Tabora na Singida kuelekea Dar es Salaam yatasafirishwa kwa haraka.

Reli hii itarahisisha pia usafiri wa abiria wa mikoa ya Kanda ya Ziwa, Kati na Magharibi. Usafiri wa treni kwa kiwango kikubwa huwa ni wa uhakika na wa gharama nafuu. Hivyo ujenzi wa reli kwa Standard Gauge uteleta ukombozi mkubwa wa kiuchumi kwa watu wa maeneo hayo na Taifa kwa ujumla.

Kwa kipindi kirefu huduma ya usafiri wa treni kupitia Reli ya Kati (Central Line Railway) imekuwa msaada mkubwa kwa wananchi wa mkoa wa Kigoma na maeneo ya Kanda ya ziwa na nchi za jirani zikiwemo Burundi, Rwanda, Uganda na Jamhuri ya Kidemokrasia ya Kongo.

Historia inaonesha kuwa Reli ya Kati kama inavyojulikana sasa ilijengwa kati ya mwaka 1905 hadi 1914 wakati huo ikiitwa Reli ya Tanganyika kwa kuwa ilikuwa ikielekea Mkoani Kigoma ambako Ziwa Tanganyika linapatikana.

Kutokana na umuhimu wake katika kukuza uchumi kupitia usafirishaji bidhaa na huduma mbalimbali ndani na nje ya Tanzania, Katika mwaka wa fedha 2016/2017 Serikali imeamua kuja na mpango kabambe wa kuifanyia maboresho miundombinu ya reli hiyo ili iweze kwenda na wakati na kasi ya ukuaji wa uchumi.

Mpango huo unahusisha ujenzi wa mtandao wa Reli mpya ya Kati katika Viwango vya Kimataifa (Standard Gauge 80’) ili kuendana na kasi ya ongezeko la mizigo.

Msemaji wa Wizara ya Ujenzi, Uchukuzi na Mawasiliano Bw. William Budoya anaeleza kuwa gharama iliyokaidiriwa kutumika kukamilisha mradi huo ni Dola za Kimarekani Bilioni 7.6 ambazo ni sawa na shilingi za Kitanzania Trilioni 16.

Fedha hizo zitatumika kugharamia ujenzi wa Kilomita 2,561 za reli kwa kiwango cha Kimataifa . Ili kufanikisha mradi huo Serikali imepata ufadhili kutoka Benki ya Exim ya China ambayo imekubali kutoa mkopo wenye masharti nafuu.

Aidha, katika kuhakikisha kuwa ujenzi huo unafanikiwa, Rais wa Jamhuri ya Muungano wa Tanzania Dkt. John Pombe Magufuli anakutana na kufanya mazungumzo na Rais wa Benki ya Exim ya China Bw. Liu Liang Ikulu Jijini Dar es Salaam.

Katika mazungumzo yao Rais wa benki hiyo anamuhakikishia Rais Dkt. John Magufuli kuwa Benki hiyo iko tayari kutoa kiasi hicho cha fedha ili kufanikisha ujenzi wa kilometa 2,190 za reli. Pia anamuhakikishia Rais kuwa Benki hiyo itashirikiana na Tanzania katika kubadilishana uzoefu na utaalamu katika ujenzi na uendeshaji wa reli hiyo.

 

Akiuzungumzia ujenzi wa Reli hiyo, Rais wa Jamhuri ya Muungano wa Tanzania, Dkt. John Pombe Magufuli anabainisha kuwa kukamilika kwa mradi huo kutasaidia kuinua uchumi wa Tanzania na nchi jirani zisizopakana na bahari zikiwemo Uganda, Rwanda, Burundi, na Jamhuri ya Kidemokrasia ya Congo.

Anasema reli hiyo mpya itakua tofauti na inayotumika sasa kutokana na uwezo wake wa kuhimili usafirishaji wa mizigo mingi kwa kuwa inajengwa kwa kiwango cha Kimataifa “Standard Gauge railway ” na itaanzia Dar es Salaam Mpaka Kigoma, kupitia Tabora, Mwanza,Isaka hadi Rusumo; Kaliua -Mpanda -Karema na Uvinza -Musongati nchini Burundi.

Katika ufafanuzi alioutoa hivi karibuni kuhusu ujenzi wa reli hiyo wakati wa Mkutano Mkuu Maalum wa Chama cha Mapinduzi mjini Dodoma hivi karibuni, Rais John Pombe Magufuli alisema tayari mchakato wa ujenzi wa reli hiyo umeanza kwa kutangaza zabuni ili kumpata mkandarasi atakaye jenga Reli hiyo.

Anasema sambamba na kazi hiyo Serikali itakarabati matawi ya reli ya kati sehemu ya Kaliua-Mpanda ili kuboresha ufanisi wake, kwa kutenga Sh. bilioni 5.5 za ajili ya usanifu.

Aidha, Mpango wa Taifa wa Maendeleo wa miaka mitano uliowasilishwa bungeni Dodoma na Waziri wa Fedha na Mipango ,Dk. Philip Mpango unaeleza kuwa Serikali imejipanga kufanya usanifu na ujenzi wa madaraja 16 kati ya 28 yaliyochakaa kati ya Dar es Salaam na Tabora.

Aliyekuwa Katibu Mkuu wa Wizara ya Fedha na Mipango, Dkt. Servaciaus Likwelile akizungumza mara baada ya utiaji saini wa makubaliano wa ujenzi wa reli hiyo kwa niaba ya Serikali ya Tanzania na Naibu Meneja Mikopo Nafuu wa Benki ya Exim ya China Bw. Zhu Ying anasema kuwa Dola za Kimarekani bilioni 7.6 ambazo ni sawa na Shilingi Trilioni 16 zitatumika kutekeleza mradi huo.

Dkt. Likwelile anasema hatua hiyo inawezesha kuanza kwa kazi ya upembuzi yakinifu, usanifu na uundwaji wa timu za pamoja kuanza kuainisha mahitaji halisi ya ujenzi wa mradi huo.

Anasema mradi huu umekuja wakati muafaka kutokana na kwamba reli iliyopo sasa ambayo ni ya Kiwango cha “meter gauge” haina uwezo mkubwa katika ubebaji wake wa mizigo, hata baada ya kufanyiwa ukarabati.

Kwa mwaka ni tani Milioni 5 za mizigo ndizo zinaweza kupitishwa na reli ya sasa, ambazo haziwezi kukabili mahitaji ya mizigo ya Kanda hii ambayo itafikia tani Milioni 30 ifikapo mwaka 2025.

Kutokana na uhitaji huo wa kukabiliana na uongezaji wa mizigo kwa kujenga uwezo wa kuihudumia kwa kuwa na reli ambayo pamoja na kuwa na uwezo wa kubeba mizigo hiyo itakuwa na uwezo wa kubeba abiria wengi zaidi na kwa starehe lakini pia kwa kasi ya spidi ya wastani wa kilometa 100 kwa saa hivyo kuwezesha abiria kufika haraka zaidi sehemu wanazokwenda.

Pia wakati wa ujenzi wa reli hiyo watanzania takribani 300,000 watapata ajira kutokana na kushiriki katika ujenzi wa reli hiyo.

Na Frank Shija, MAELEZO

Read More

#YALIYOJIRI>>>Mbunge wa Arusha Mjini Godbless Lema aswekwa mahabusu kwa mahojiano zaidi.Fahamu zaidi hapa.

Mbunge wa Jimbo la Arusha Mjini, Godbless Lema, amesafirishwa kutoka Mkoani Dodoma usiku wa kumkia jana na kuswekwa kwa mara nyingine tena Mahabusu Mkoani Arusha kwa mahojiano ya kutoa lugha za uchochezi.

Akizungumza leo na waandishi wa habari ofisini kwake , Kamanda wa Polisi Mkoani Arusha, Charles Mkumbo, amesema Lema wamemweka mahabusu mpaka watakapomaliza mahojiano.

Amesema kuwa endapo watamaliza mahojiano atafikishwa mahakamani wakati wowote, ili kujibu makosa anayokabiliwa nayo.

Mkumbo amesema Lema amekuwa akitoa maneno na lugha za uchochezi na kuzirudia kila mara, hivyo wameona vema wamweke ndani.

Amesema juzi walimkamata na kumuhoji, kisha kumwachia kwa dhamana, lakini kuna baadhi ya makosa hakuhojiwa, na ndiyo wanamuhoji.

Aidha licha ya kumkamata Lema na kuendelea kumuhoji, lakini hakutaja maneno yapi na lugha za uchochezi alizotoa Mbunge huyo.

Novemba Mosi mwaka huu, Kamanda Mkumbo akiwa anazungumza na waandishi wa habari ofisini kwake, alitaja maneno ya uchochezi anayodaiwa Lema kutaja kuwa ni: “Mheshimiwa Rais wa Jamuhuri ya Muungano wa Tanzania akiendelea kukandamiza demokrasia,siasa za ukandamizaji taifa litaingia katika umwagaji wa damu,nchi hii inaandaliwa kwenda katika utawala wa kidikteta,”

Read More

Tazama Video ya undani wa Msichana huyu Aliyebakwa Hadi Kufa – Makumira University.

Mapema jana zimesambaa Picha kwenye Mitandao ya kijamii ikimuonyesha Msichana anayefahamika kwa jina la JULIANA ISAWAFO Ambaye Amebakwa hadi Kufa na Kutupwa Nje ya eneo la Chuo Kikuu cha Tumaini (Makumira Arusha).

Mmoja wa Viongozi wa Serikali ya Wanafunzi wa Chuo hicho ambapo amethibitisha kwamba ni kweli Ameokotwa Msichana huyo Majira ya Saa tano asubuhi ya Leo akiwa Amekufa na mwili wake Kutelekezwa kwenye Shamba la Mpunga hatua chache nje ya Eneo la Chuo.

Hata hivyo Amenithibitishia kwamba Msichana huyo ni Mwanafamilia wa Chuo cha Makumira ila sio Mwanafunzi rasmi kama watu wanavyodai.

Anasema Msichana huyo alikuwa akiishi ndani ya eneo la Chuo kwa Mzungu mmoja ambaye ni mmoja wa waalimu wa Sanaa Chuoni hapo.

Hata hivyo hakusita kuweka wazi kwamba Wanasikitika sana Kwa Tukio hilo kwani Msichana huyo alikuwa kama Dancer wa Matamasha ya Chuo cha Makumira.
 Sikiliza Hapa chini:

Read More

#YALIYOJIRI>>>>VIDEO: Mabishano ya Mbowe na Naibu Spika Kuhusu Tuhuma za Wabunge wa CCM Kuhongwa Milioni 10 Kila Mmoja ili Wapitishe Muswada wa HabariFahamu zaidi hapa.

Kiongozi wa Kambi ya Upinzani Bungeni Freeman Mbowe katika kipindi cha Maswali kwa Waziri Mkuu leo asubuhi  alidai kuwa, mnamo siku ya Jumanne tarehe 25/10/2016 saa mbili usiku kiliitishwa kikao cha wabunge wa CCM ambacho Waziri Mkuu Kassim Majaliwa alikuwa Mwenyekiti, na kilihudhuriwa na Katibu MKuu wa CCM, Abdulrahman Kinana, kwa ajili ya kujadili Muswada wa Habari.

Mbowe alisema kuwa Wabunge wakiwemo Mawaziri walihongwa shilingi milioni 10 kila mmoja ili waweze kusaidia kupitisha Muswada wa Habari unaotarajiwa kuwasilishwa Bungeni kesho.

Lakini Naibu spika alikataa  Waziri mkuu kujibu swali la Mbowe kwa  madai kuwa swali hilo halihusu sera, huku Mbowe akidai linahusu sera kwa kuwa ni rushwa kwa wabunge 

==> Wasikilize Hapo chini

Read More

Huduma Ya Kwanza Kwa Mtu Aliyekula Au Kunywa Sumu.Fahamu zaidi hapa.

Mtu anaweza kula au kulishwa sumu katika mazingira mbalimbali. Kuna watu wengine huamua kujaribu kukatisha maisha yao kwa kunywa sumu kutokana na sababu mbalimbali za kimaisha. Lakini vyovyote iwavyo katika maisha yako au ya ndugu, jamaa na rafiki kukatisha maisha kwa kula au kunywa sumu sio suluhisho la kukimbia matatizo ya maisha bali ni kuingia kwenye matatizo makubwa mno kwani huko roho itakapokwenda ni MAJUTO MAKUU!

Endapo itatokea mtu amekunywa sumu au amekula chakula chenye sumu muwahishe hospitali au kituo cha afya haraka kama utaona hali hizi: kuwa na kichefuchefu, kutapika au kuharisha, damu kwenye kinyesi, kukosa mkojo, mate kuwa machache mdomoni na yenye mnato au macho kuingia ndani.

Wakati unafanya harakati za kumpeleka kwenye kituo cha afya, mpe tiba mojawapo ya hizi: Pia ukiona sumu sio kali sana maana mara nyingine tunaweza kula chakula lakini baada ya muda fulani tunasikia matumbo yanauma au tunaharisha,

Tumia tiba hizi:
Changanya siki aina ya 'Apple cider vinegar' kijiko cha chai (15ml) kwenye maji ya moto au vuguvugu kiasi cha kikombe kimoja (230ml) kisha mpe anywe. Rudia kila baada ya masaa 2 - 3.
Saga mkaa kisha chukua kiasi cha unga wa mkaa (500mg - 1g) changanya kwenye maji kikombe kimoja (230ml) mpe anywe. Rudia kila baada ya masaa 2- 3.

Kwa tumbo linalouma kutokana na sumu au chakula chenye sumu alichokula mtu anywe chai iliki au peppermint ili kutuliza tumbo. peppermint au iliki ni viungo vya vyakula vinavyopatikana sokoni au suppermarket. Apple cider vinegar ina matumizi mengi sana katika maisha yetu ya kila siku hivyo ni bidhaa muhimu kuwa nayo nyumbani kwako!

Read More

#YALIYOJIRI>>>TANESCO Yaanza Mchakato Wa Kupeleka Umeme Kiwanda Cha Bakhressa Kama Ilivyoagizwa Na Rais Magufuli.Fahamu zaidi hapa.

Na: Frank Shija & Daud Manongi, MAELEZO.

SHIRIKA la Umeme Tanzania (TANESCO) limeanza kutekeleza agizo la Rais Dkt. John Pombe Magufu la kufikisha umeme kwenye kiwanda cha kusindika matunda cha Bakhressa Food Product kilichopo Mwandege mkoani Pwani.

Akizungumza na mwandishi wa habari hizi Kaimu Meneja Uhusiano wa Tanesco Makao Makuu, Leila Muhaji amesema kuwa agizo hilo limeshaanza kutekelezwa katika hatua mbalimbali na kuahidi kuwa litakamilika kwa wakati.

Muhaji amaesema kuwa agizo linapotolewa na Mhe. Rais kinachobaki ni utekelezaji tu, hivyo kufuatia agizo hilo Tanesco wameanza kufanya utekelezaji kwa kuchukua hatua kadhaa ili kuhakikisha wanakamilisha kulingana na wakati kama agizo linavyosema.

“Utekelezaji wa agizo la Mhe. Rais unaendelea na hadi kufikia mwezi Desemba tutakuwa tumefikisha umeme katika kiwanda hicho”. Alisema Bi. Muhaja.

Aidha alitumia fursa kutoa rai kwa uongozi wa kiwanda hicho kuanza uzalishaji punde umeme utakapofika kiwandani hapo ili kuongeza uzalishaji.

Kwa upande wake Meneja Ushirikiano wa Jamii wa Kiwanda cha Bakhressa Food Product Hussein Sufian Ally amesema kuwa wanamshukuru Rais Dkt. Magufuli kwa kuona umuhimu wa kupelekewa umeme kiwandani hapo.

Aliongeza kuwa utekelezwaji wa agizo hilo utakapo kamilika utasaidia kuongeza uzalishaji na kupunguza gharama ambazo kwa sasa zinachangiwa na matumizi ya Jenereta katika kuendeshea uzalishaji wa Kiwanda hicho.

Utekelezaji huu umefutia agizo la Rais alilolitoa tarehe 06/10/2016 wakati wa uzinduzi wa Kiwanda cha kusindika matunda cha Bakhressa Food Product ambapo alimuagiza meneja wa Tanesco Mkoa wa Pwani kuhakikisha ndani ya miezi miwili umeme uwe umefika kiwandani hapo

Read More

Pengo la Marehemu Kanumba litazibika tu – Gabo Zigamba.Fahamu zaidi hapa.

Msanii wa filamu anayefanya vizuri na filamu ‘Safari ya Gwalu’ Salim Ahmed aka Gabo Zigamba amefunguka kwa kusema kuwa wasanii wa filamu wakiwa na juhudi wanaweza kuziba pengo la marehemu Steven Kanumba.

Mwigizaji huyo ambaye ni miongoni mwa wasanii wa filamu ambao wanafanya vizuri kwa sasa, amedai kama wasanii wakiamua kufanya kazi kwa bidii basi kila kitu kinawezekana.

“Pengo la marehemu Kanumba litazibika tu ingawa najua tobo la panya huwezi kuziba na mkate ila tutajitahidi kuziba,” Gabo alimjibu shabiki katika Kikaango cha EATV.

Aliongea,”Niwashauri watu wawe makini kwenye nidhamu, wawe makini kwenye elimu na pia wasikate tamaa katika mambo wanayofanya”

Mwigizaji huyo amemtaja Single Mtambalike kuwa ndiye mwigizaji wake bora kwa sasa.

Read More

#YALIYOJIRI>>>>Mahakama Yatoa kibali Tundu Lissu Akamatwe.Fahamu zaidi hapa.

MAHAKAMA ya Hakimu Mkazi Kisutu, Dar es Salaam, imetoa amri ya  kukamatwa Mbunge wa Singida Mashariki, Tundu Lissu na kuamuru wadhamini wake kufika mahakamani hapo kujieleza kwanini wasilipe fungu la dhamana kutokana na mshtakiwa huyo kushindwa kufika kusikiliza kesi yake bila ruhusa.

Lissu na wenzake watatu wanakabiliwa na mashtaka ya uchochezi kupitia gazeti la Mawio.

Amri hiyo imetolewa leo na Hakimu Mkazi Mkuu, Thomas Simba baada ya upande wa Jamhuri kudai kuwa kesi hiyo ilipangwa jana kutajwa lakini mshtakiwa wa nne Lissu hakuwepo mahakamani.

Hata hivyo, alijitokeza mdhamini wake mmoja kati ya wawili Robart Katula kudai kuwa mshtakiwa huyo anaendesha kesi ya uchaguzi Mahakama Kuu Tanzania, Kanda ya Mwanza.

Hakimu alihoji kwa nini mshtakiwa amesafiri na kuacha kuhudhuria kesi yake bila kuomba kibali cha mahakama yake.

"Mshtakiwa Lissu anafanya dharau  kila wakati inapopangwa kesi yake mahakamani anashindwa kuhudhuria bila kutoa sababu ama kuomba ruhusa ya mahakama... kama asingekuwa nje kwa dhamana angefanyaje? angetumia busara kuomba ruhusa" alihoji na kuongeza kuwa.

"Wadhamini wa mshtakiwa wapelekewe wito wa mahakama waje kujieleza kwanini wasilipe fungu la dhamana kama walivyoahidi kwenye hati ya dhamana ya maneno ya Sh. milioni 10 kila mmoja" alisema Hakimu Simba.

Hata hivyo, Wakili wa Serikali Patrick Mwita aliomba mahakama hiyo kutoa hati ya kukamatwa mshtakiwa.

Hakimu Simba alikubali ombi la Jamhuri na kutoa amri ya kukamatwa mshtakiwa na wito kwa wadhamini kufika mahakamani Novemba 21, mwaka huu kujieleza kwa nini wasilipe fungu la dhamana dhidi ya mshtakiwa kwa kushindwa kuhudhuria kesi yake.

 

Mbali na Lissu, washtakiwa wengine ni, Wahariri wa gazeti la Mawio, Simon Mkina na Jabir Idrisa na mchapaji wa magazeti, Ismail Mehboob.

Katika kesi ya msingi, ilidaiwa kuwa kati ya Januari 12 hadi 14, mwaka huu,  Dar es Salaam, Lisu na wenzake  walikula njama ya kuchapisha chapisho la uchochezi katika gazeti la Mawio lenye kichwa cha habari kisemacho, ‘Machafuko yaja Zanzibar’.

Pia Lissu na wenzake walidaiwa  Januari 14, mwaka huu, Dar es Salaam, kwa nia ya kuleta chuki na uchochezi  kati ya wananchi na mamlaka halali ya Serikali ya Mapinduzi Zanzibar, walichapisha chapisho hilo lenye uchochezi.

Aidha, Lissu alidaiwa siku hiyo kinyume cha sheria na bila ya mamlaka waliwatishia na kuwatia hofu wananchi wa Zanzibar   wasiweze kuingia kwenye marudio ya Uchaguzi Mkuu.

Washtakiwa walikana mashtaka hayo kwa nyakati tofauti na wako nje kwa dhamana.

Read More

Huyu Ndio Mwanamuziki wa Bongo Flava Mwenye Mafanikio Makubwa zaidi Kuliko Wanamuziki Wote Tanzania.Fahamu zaidi hapa.

Anaitwa AMBWENE YESSAYA AKA AY ni mmoja wa wasanii ambaye ana mafanikio makubwa sana kimuziki kuliko msanii yeyote yule hapa nchini Tanzania,vile vile yeye ndiye msanii wa kwanza Tanzania kuipeperusha bendera ya Tanzania katika anga za kimataifa mpaka ulaya.Historia yake ya muziki ilianzia miaka 1998

-Pesa yake ya kwanza kurekodi ngoma studio alipewa na mama yake Tshs 20000/=
-Ni mkulima (ana mashamba ya mpunga zaidi ya heka 100 huko ifakara Morogoro
-Ni mjasiriamali mwenye biashara nyingi ikiwemo duka la nguo
-Ni mmiliki wa vipindi vya TV vya MKASI na NGAZI KWA NGAZI vinavyorushwa EAST AFRICA TV

-Anamiliki kampuni ya UNITY ENTERTAINMENT inayojihusisha na uwakala wa kazi za sanaa,matangazo na kuunganisha wasanii,pia kuleta wasanii wa nje


CONCLUSION:HAYO NI MACHACHE KUHUSIA NA SUPER LEGEND AY MZEE WA COMERCIAL

Read More

#YALIYOJIRI>>>Walichosema ACT kuhusu ahadi za Rais Magufuli katika uchaguzi wa mwaka jana.Fahamu zaidi hapa.

Na Regina Mkonde

Chama cha ACT-Wazalendo kimemkumbusha Rais John Magufuli kutekeleza ahadi yake aliyoitoa katika kipindi cha kampeni za uchaguzi mkuu wa mwaka jana, kuwa serikali yake haitaruhusu mwanafunzi atakayefaulu kwenda chuo kikuu ambaye atashindwa kujiunga na elimu hiyo kwa kukosa ada ama mkopo.

Katibu wa Itikadi, Mawasiliano na Uenezi wa ACT, Ado Shaibu leo amesema chama hicho kimetoa tamko hilo, baada ya takwimu zilizotolewa hivi karibuni na Bodi ya Mikopo kwa Wanafunzi wa Elimu ya Juu (HELSB) kuthibitisha kuwa takribani wanafunzi 65,000 wenye sifa za kujiunga na elimu ya juu, wanafunzi 20,000 ndiyo waliopata mikopo.

“Kwenye mikutano yake ya kampeni Rais Magufuli alitamba kuwa serikali yake hakuna mwanafunzi ambaye atafaulu kwenda chuo kikuu ambaye atashindwa kujiunga na elimu hiyo kwa kukosa mkopo. tunamtaka kutekeleza ahadi yake kwa vitendo.”

Ameongeza kuwa “Kwenye mikoa mingi iliyotembelewa viongozi wa chama wamepinga vikali utaratibu wa sasa wa utoaji mikopo wa elimu ya juu ambao kama ukiachwa bila kupingwa utafanya watoto wengi kutoka familia masikini washindwe kujiunga na elimu ya juu kwa kukosa mikopo,”

Shaibu amedai kuwa, kisingizio kinachotolewa na serikali cha kutilia mkazo kwenye kozi za kipaumbele hakistahili kutumiwa kwa kuwa ni kigezo cha kuwanyima watoto wa masikini haki ya kujiunga na elimu ya juu.

“Katika ilani ya ACT ya mwaka 2015 suluhisho la mikopo ya elimu ya juu limepambanuliwa vyema. kifungu 5.4.2 (v)(d) ya ilani yetu inapendekeza kuanzishwa kwa utaratibu wa scholarship kwa kozi za kipaumbele ili mkopo utumike kusomesha wanafunzi wengi zaidi wa kozi zinazosalia,” amesema.

Read More

Mrembo Hamisa Mobetto Ataja Sababu ya Wasanii wa Bongo Kukosa Tuzo za MTV Mama.Fahamu zaidi hapa.

Hamisa Mobetto amefunguka sababu ya wasanii wa Bongo Fleva kutofanya vizuri kwenye tuzo za MTV MAMA zilizofanyika Jumamosi ya Oktoba 22 mjini Johannesburg, Afrika Kusini.

Akiongea na mtangazaji wa kipindi cha The Playlist cha Times FM, Lil Ommy model huyo wa wimbo wa ‘Salome’ amesema kuwa team ndizo zilizochangia Tanzania ishindwe kupata hata tuzo moja.

“Unajua kwanza sisi Tanzania tuna team, kwahiyo team zinakuwa kama zinatutenganisha, kama zile team zote zingekuwa kitu kimoja labda watanzania wote tungeweza kushinda. Kuna watanzania wengine wanadiriki kuwapigia promo Instagram wanigeria washinde wao,” amesema Mobetto.

Mwanamitindo huyo ameongeza kuwa team hizi zingekuwa na faida kama zingekuwa zinaungana kwenye kitu cha kuiwakilisha nchi. Tazama mahojiano hayo hapa chini.

Read More

#Live>>>Maswali na majibu kwa Waziri Mkuu Bungeni Dodoma.

Tazama hapa moja kwa moja kutoka Bungeni, Bunge la kumi na moja, kipindi cha maswali na majibu kwa Waziri Mkuu wa Jamhuri ya Muungano wa Tanzania, Kassim Majaliwa, kisha maswali ya kawaida kwa Serikali. Bofya hapa kutazama

Read More

#YALIYOJIRI>>>>Kesi ya SCORPION Yapigwa Kalenda.Fahamu zaidi hapa.

Upande wa Jamhuri kwenye kesi ya Salim Njwete  maarufu kama 'Scorpion' anayetuhumiwa kumwibia Saidi Mrisho na kumtoboa macho kwa kisu umedai mahakamani hapo kwamba upelelezi haujakamilika na kuomba siku nyingine ya kukamilisha.

Mshitakiwa Njwete 34,  anashitakiwa kwa kumwibia Mrisho na kumjeruhi kwa kumchoma tumboni, mabegani na machoni.

Taarifa ya upelelezi kutokamilika ilielezwa jana na Mwendesha Mashitaka Chensensi Gavyole mbele ya Hakimu Mkazi Flora Haule kesi hiyo ilipotajwa na kuangaliwa kama upelelezi umekamilika.

“Mshitakiwa yuko mbele ya Mahakama hii lakini upelelezi haujakamilika, tunaomba Mahakama itupangie siku nyingine ya kutajwa kutokana na upelelezi kuendelea,” alisema Gavyole.

Kutokana na sababu hizo, Hakimu Haule aliahirisha kesi hiyo hadi Novemba 16 itakapotajwa tena.

Mshitakiwa huyo maarufu kama Scorpion alifikishwa mahakamani hapo akiwa kwenye gari dogo la mizigo tofauti na siku za nyuma ambapo alikuwa akiletwa akiwa kwenye basi la Magereza.

Awali ilidaiwa kuwa mshitakiwa alitenda kosa hilo Septemba 9 Buguruni Sheli alipomwibia Mrisho fedha na vitu vyenye thamani ya Sh 476,000 na kumjeruhi kwa kumchoma kisu tumboni, mabegani na machoni.

Read More

#YALIYOJIRI>>>>Wapakistani Wahukumiwa Miaka Minne Jela Kwa Kuingiza Vifaa vya Mawasiliano Bila Leseni.Fahamu zaidi hapa.

Mahakama ya Hakimu Mkazi Kisutu imewahukumu raia watatu wa Pakistan, kifungo cha miaka minne jela au kulipa faini ya Sh milioni 125 baada ya kupatikana na hatia ya kuingilia mtandao wa mawasiliano na kuisababishia serikali hasara ya Sh milioni 145.

Hakimu Mkazi Mkuu, Respicius Mwijage, alitoa hukumu hiyo baada ya washtakiwa, Hafees Irfan, Mirza Irfan Baig na Mirza Rizwani Baig, kukiri makosa yao.

Akitoa adhabu hiyo, Hakimu Mwijage alisema, washtakiwa wamepatikana na hatia ya makosa manne na katika kila kosa watalipa faini ya Sh milioni tano au kutumikia kifungo cha mwaka mmoja jela, ambayo ni sawa na faini ya Sh milioni 20 au kifungo cha miaka minne jela.

Aidha, alisema kwa sababu mashtaka yanahusisha kuisababishia hasara Mamlaka ya Mawasiliano (TCRA), kila mshtakiwa anatakiwa kulipa faini ya Sh milioni 35, pia washtakiwa wakimaliza kutumikia vifungo vyao, warud ishwe nchini kwao na vifaa walivyokutwa navyo vitakuwa mali ya serikali.

Awali, kabla ya hukumu hiyo, Wakili wa Serikali Esther Martin aliwasomea washtakiwa hao maelezo ya awali na kudai kuwa katika tarehe tofauti, Dar es Salaam, washtakiwa walikutwa na vifaa vya kuunganishia mawasiliano ya kimataifa bila kuwa na kibali cha TCRA.

Alidai, washtakiwa walitoka Pakistan na kwenda maeneo mbalimbali ikiwemo Arab Emirates, Malaysia, Msumbiji kwa ajili ya kutumia vifaa hivyo, pia waliingia nchini katika tarehe tofauti na kufikia kwenye chumba namba 905 katika Hoteli ya Butterfly iliyopo Kariakoo, Dar es Salaam.

Inadaiwa wakiwa kwenye chumba hicho, waliunganisha mawasiliano kwa kutumia vifaa vya kimataifa bila kuwa na kibali cha TCRA, lakini wakati wakiendelea na kazi zao ilibainika kuwa, kuna watu katika maeneo hayo wanatoa huduma ya mawasiliano, kinyume cha sheria.

Aliendelea kudai kuwa, Oktoba 5, mwaka jana, maofisa wa Polisi wakiambatana na TCRA walifika maeneo hayo na kufanya upelelezi, kisha wakawakamata washtakiwa hao katika hoteli wakiwa na vifaa mbalimbali vya mawasiliano, ambavyo ni kadi za simu 273, CPU 18, Laptop saba, Moderm ya Huawei na vocha zilizokwishatumika.

Washtakiwa walifikishwa kituo cha Polisi Kijitonyama na baada ya kufanya upelelezi, ilibainika kuwa wameisababishia serikali na TCRA hasara ya Sh milioni 140.

Baada ya kusomewa maelezo yao, washtakiwa walikiri makosa. Wakili Esther aliiomba mahakama itoe adhabu kali kwa washtakiwa ili iwe fundisho kwa wengine na makosa hayo, yasiwe yanajirudia rudia, adhabu itolewe kwa kuzingatia hasara walioisababisha washtakiwa, pia alidai makosa hayo yanahatarisha usalama wa taifa.

Hata hivyo, Wakili wa utetezi, Shadrack Ishengoma aliiomba mahakama hiyo kuwapunguzia adhabu hiyo washtakiwa kwa sababu wamekiri makosa yao, pia wanategemewa na familia zao, na kuongeza kuwa washtakiwa wameshakaa rumande kwa miezi 13 yaani zaidi ya mwaka mmoja.

Hakimu Mwijage alisema ametoa adhabu hiyo kwa kuzingatia hoja za pande zote mbili na washtakiwa walilipa faini na kuachiwa.

Read More

#BURUDANI>>>>Aunt Ezekieli Ajibiwa, Mose Iyobo ni Mwanaume Mzuri Kuliko Wanaume Wote?..Fahamu zaidi hapa.

Msichana ambaye aunt Ezekiel alikuwa anadai anataka kunyang'anya mume amemjia juu na kudai hana mpango huo na yupo karibu na mose Iyobo kwa sababu wamezaa pamoja mtoto

Msichana huyo amesema tayari nae ana bwana na kumhangaa anti Ezekieli kuzusha maneno anaibiwa bwana na kumuuliza kwani mose iyobo ana fedha kuliko wanaume wote au ni mzuri kuliko wote hadi yeye amnyang'anye?? VIDEO:

Read More

#YALIYOJIRI>>>>Askari watatu wafukuzwa kazi mkoani Mwanza.Fahamu zaidi hapa.

Jeshi la Polisi Mkoani Mwanza limewafukuza kazi askari watatu kwa tuhuma za kukiuka maadili ya kazi ikiwemo kujihusisha na vitendo vya utovu wa nidhamu pamoja na upokeaji wa rushwa.

Akizungumza na askari hao Kamanda wa Polisi Mkoa wa Mwanza, Ahmed Msangi amesema kuwa hatua imechukuliwa ili iwe fundisho kwa askari wengine wanaokwenda kinyume na maadili ya kazi hiyo.

Amesema askari mmoja kati ya hao alikutwa akiwa amelewa na kulala lindoni, huku wengine wawili wakituhumiwa kujipatia pesa kwa njia ya udanganyifu.

Kamanda Msanga amesema ukiukwaji wa maadili ni chanzo cha ongezeko la uhalifu hivyo hatamvumilia askari yoyote atakaye kwenda kinyume kwa kuwa kwa kufanya hivyo kunalichafulia hadhi jeshi la polisi kwa sababu ya makosa ya askari wachache.

Kamanda Msingi ametumia nafasi hiyo kuwakumbusha askari kufuata weledi wa kazi zao na kusema askari wanaotumia vyeo vyao kwa ajili ya kujipatia pesa kutoka kwa wananchi atawatumbua kabla kasi hiyo ya utumbuaji haijamfikia kwa kushindwa kuwasimamia.

Read More

#MICHEZO>>>Bondia Mashali Aliponzwa na Tsh.1000.Fahamu zaidi hapa.

Rafiki wa karibu wa marehemu Thomas Mashali aliyejitambulisha kwa jina la Ally amesimulia mkasa mzima wa kifo cha rafiki yake huyo.

Tokeo la picha la thomas mashali

Ally alisimulia mkasa wa rafiki yake huyo akiwa msibani maeneo ya Tandale jijini Dar es salaam, ambapo amedai kuwa juzi usiku alipata taarifa za kushambuliwa kwa Mashali na watu wasifahamika maeneo ya Kimara jijini humo.

“Ilikuwa usiku nimekaa nyumbani Manzese Madizini akaja dereva bodaboda anaitwa Yusuf Kidevu akaniambia babaako wanampiga huko Kimara wanamuua kama vipi nenda.”

“Nikahisi ni uongo kwasababu wakati mwingine wanazusha tu, mara kidogo akaja mtu wa pili akasema babaako anakufa huko Kimara, kwasababu alikuwa ni mtu wa pili kuniambia nikaona bora niende.”

“Nikaenda hadi Kimara, kufika pale nikakuta wameshampiga wamemuumiza askari wanampakia kwenye gari. Nikalifata gari hadi Sinza, akapata kitanda akalazwa nikaenda kumsalimia lakini saui ilikuwa inatoka kwa mbali hadi usogeze sikio ndio unaweza kumsikia.”

“Nikamuuliza imekuwaje, akasema kuna dereva bodaboda alimkodi lakini walivyofika Kimara akampa hela kidogo wakaanza kuzozana ndio mkasa ulipoanzia.”

“Alimpa shilingi 2000 lakini dereva bodaboda alikuwa anataka shilingi 3000, akaanza kumtukana Mashali akaona anadharauliwa akampiga ngumi yule dereba bodaboda akaanguka chini, baada ya hapo akaanza kupiga kelele za mwizi wakaja watu wengine watatu wakataka kumpiga akapambana nao akawapiga.”

“Baada ya kuona wote hawamuwezi wote wakaanza kupiga kelele za kumuita mwizi, wakaongezeka watu wengine wakaanza kumshambulia.”

Mwili wa Thomas Mashali unatarajiwa kuzikwa Jumatano jijini Dar es salaam.

Read More

#YALIYOJIRI>>>>Wapinzani Wapinga Takwimu Ukuaji Uchumi.Fahamu zaidi hapa.

LICHA ya takwimu za hivi karibuni kuonesha uchumi wa Taifa pamoja na Pato la Taifa vimekuwa vikikua kwa kasi na kuifanya Tanzania kuwa moja ya nchi zenye uchumi imara, kambi Rasmi ya Upinzani Bungeni imedai kuwa uchumi wa Tanzania umeyumba.

Kambi hiyo imetaja baadhi ya maeneo yanayothibitisha hilo kuwa ni mikopo inayotolewa na benki za biashara kwenye sekta binafsi kuwa imeshuka katika nusu ya kwanza ya mwaka 2016.

Waziri Kivuli wa Wizara ya Fedha na Uchumi, Halima Mdee alisema mikopo hiyo imefikia Sh bilioni 1,167.2 ikilinganishwa na ongezeko la Sh bilioni 1,577.5 la mwaka 2015 katika kipindi kama hicho.

“Hii maana yake sekta binafsi imekosa Sh bilioni 410.3 katika nusu ya kwanza ya mwaka 2016. Hali hii imefanya mzunguko wa sarafu na noti mikononi mwa watu kushuka kutoka asilimia 188.8 Desemba 2015 na kufikia asilimia 6.7 Julai mwaka 2016,” alieleza.

Alisema kwa mujibu wa taarifa ya Benki Kuu ya Tanzania (BoT), amana za wateja katika benki zilipungua kutoka Sh trilioni 20.52 Desemba 2015 hadi kufikia Sh trilioni 20.24 Juni mwaka 2016.

Akichangia mapendekezo ya mpango huo wa maendeleo, Mbunge wa Sikonge, Joseph Kakunda (CCM) alisema takwimu zinaonesha asilimia 53 ya viwanda vikubwa nchini vipo kwenye mikoa ya Dar es Salaam, Kagera na Arusha, uwiano ambao si mzuri na kutaka viwanda viwepo kwenye mikoa mingine pia.

Kwa mujibu wa takwimu zilizotolewa hivi karibuni na Mkurugenzi Mkuu wa Ofisi ya Takwimu ya Taifa (NBS), Dk Albina Chuwa, katika kipindi cha robo ya pili ya mwaka huu, Pato la Taifa limeendelea kukua kwa kasi ya asilimia 7.9 ikilinganishwa na asilimia 5.8 ya robo ya pili ya mwaka jana.

Gavana wa Benki Kuu ya Tanzania (BoT), Profesa Benno Ndulu alisema ukuaji wa Pato la Taifa katika nusu ya kwanza ya mwaka ya Januari hadi Juni, umeongezeka na kufikia asilimia 6.7 kutoka asilimia 5.7 kwa nusu ya kwanza ya mwaka 2015.

Read More

#YALIYOJIRI>>>>>Watiwa Mbaroni Kwa kuvujisha mtihani FEKI wa kidato cha nne.Fahamu zaidi hapa.

Walimu wa Shule ya Sekondari Hasanga, iliyopo wilayani Mbozi mkoani Songwe na wafanyabiashara wawili, wanahojiwa na vyombo vya usalama mkoani Mbeya kwa tuhuma za kuhusika na utengenezaji wa mitihani feki ya kidato cha nne.

Watuhumiwa hao, James Kapinga (36) ambaye anadaiwa kufanya kazi Shule ya Sekondari ya Hasanga pia anajitolea kufundisha Shule ya Sekondari ya Wazazi ya Sangu, Baraka Mwazambe (28), mfanyabiashara na mkazi wa Tunduma na mtaalamu wa masuala ya Tehama (IT), Alex Mochi.

Watu hao kwa pamoja inadaiwa walikamatwa juzi usiku baada ya mwanafunzi mmoja ambaye jina lake na la shule vimehifadhiwa kukutwa na mtihani wa somo la Kiingereza na alipobanwa, inadaiwa aliwataja wahusika hao.

“Mwanafunzi huyu ni wa shule nyingine tena si ya Mbeya, alikutwa na mtihani feki wa somo la Kiingereza, alipohojiwa alieleza mtihani huo ulitoka Mbeya na Serikali ilipofuatilia iliwabaini wahusika ambao walikuwa wanasambaza mitihani feki,” kilisema chanzo kimoja cha habari hii.

Akizungumzia sakata hilo, Katibu Tawala wa Mkoa wa Mbeya, Mariamu Mtunguja, alikiri ofisi yake kupokea taarifa juu ya uvujaji wa mitihani na walipofuatilia walibaini mitihani hiyo ni feki.

“Mbeya hakuna mitihani iliyovuja kama inavyoelezwa katika mitandao, ukweli ni kwamba suala hilo lilifuatiliwa ilibainika mitihani inayosambazwa si ile iliyochapishwa na Baraza la Mitihani la Taifa, ni feki na baadhi ya wahusika wanahojiwa na vyombo vya dola,” alisema.

Naye Kaimu Ofisa Elimu Mkoa wa Mbeya, Benedict Sandy, alisema hakuna mitihani iliyovuja.

“Mitandao imekuwa ikitoa taarifa za upotoshaji eti mitihani imevuja, mitihani iliyosambaa na kukutwa na baadhi ya wanafunzi tena si wa Mkoa wa Mbeya ni feki na wahusika wanaodaiwa kuisambaza wamekamatwa.

“Nawaomba wanafunzi wazingatie yale waliyofundishwa, mitihani hiyo inakuja kwa lengo baya la kuwapotezea muda wao na mwisho wa siku kuishia kufeli, watu wanaofanya kazi hiyo wapo kimasilahi,” alisema.

Read More

#BURUDANI>>>>Wema Sepetu Amehairisha Kuondoka Instagram Adai 'Toka Lini Mwenye Nyumba Akaacha Nyumba Yake'.Fahamu zaidi hapa.

Wema Sepetu Haendi Mahali soma hapa akimwaga povuuuu!!!! Ameandika Haya Kwenye Ukurasa wake wa Instagram baada ya mwanzo kudai ameamua kupumzika Instagram:

Wemasepetu

Life has got to Go on.... Nimepitia makubwa zaidi and this is Not something to Bring Me Down kabisa... Siwezi Kalfisha nafsi yangu kwa watu wasio na worth kwangu... Yes U got me for a Minute But Hey I know how to Bounce Back... I aint goin no where... The Love I recieve from people around me is too strong.... Never will I shed another tear for stupidity... Kama maneno ni sumu basi nadhani ningekuwa nishakufa zamani... So talk the talk... And I'll walk the walk... #TokaLiniMwenyeNyumbaAkaachaNyumbaYake...

Read More

#YALIYOJIRI>>>>Ufisadi Wagubika Shirika la Posta.....Bodi Yabaini Mikataba Mibofu, Rushwa na Upendeleo katika Ajira.Fahamu zaidi hapa.

Bodi ya Wakurugenzi ya Shirika la Posta Tanzania (TPC) imebaini madudu lukuki, ikiwamo mikataba mibovu, idadi kubwa ya wafanyakazi wenye elimu ya chini, rushwa na kuajiri kwa upendeleo. 

Akizungumza na wanahabari jana, mwenyekiti wa bodi hiyo, Dk Haruni Ramadhani alisema shirika linakabiliwa na “maradhi” mengi ambayo kama hayatashughulikiwa ipasavyo yanaweza kusababisha malengo kutotekelezwa kwa ufanisi. 

Kutokana na madudu hayo, bodi imeipa miezi sita menejimenti ya TPC kurekebisha kasoro hizo na kinyume na hapo, hatua kali za kisheria zitachukuliwa. 

“Tumebaini Shirika la Posta lina uwezo na fursa kubwa kama tutaitumia vizuri kuchangia Pato la Taifa. Ni shirika ambalo limesambaza huduma zake toka ngazi ya Taifa, kata na vijiji. Posta ina mizizi mingi mikubwa na imara,” alisema. 

“Kinachokosekana ni utashi na kujituma, ubunifu na utendaji kazi kwa weledi na umakini. Lazima sasa tubadilike, tuache kufanya kazi kwa mazoea, uzembe, ubinafsi, ufisadi, wizi na rushwa. Vitu hivi lazima tuambizane ukweli bila kuoneana aibu. Havina nafasi tena Posta,” alisema. 

Mikataba Mibovu 
Dk Ramadhani alisema wakati bodi hiyo ikiendelea na uchunguzi, imebainika shirika hilo liliingia mikataba mibovu ukiwamo ule wa kati ya TPC na kampuni ya Wande Printing and Packaging. 

Katika mkataba huu, bodi ilibaini kuwa Wande Printing and Packaging walipangisha jengo la ghorofa tatu (mali ya shirika) kwa Sh1.8 milioni kwa mwezi, kwa muda wa miaka mitatu ambayo ni sawa na Sh64.8 milioni. 

Alisema baadaye, mwekezaji alifanya ukarabati wa jengo kwa Sh398 milioni, hivyo ili kufidia fedha hizo, mkataba huo ulieleza Wande Printing and Packaging itakaa kwenye jengo hilo bila kulipa kwa miaka 20 ili kufidia fedha zake. 

Mwenyekiti huyo alisema mkataba mwingine ni kati ya TPC na kampuni ya Universal G & G ambao ulihusisha upangishaji wa jengo lililopo kitalu namba 416 Block G, Ubungo. Alisema katika mkataba huo Universal G & G na TPC waliingia mkataba wa kudumu na TPC ina hisa asilimia 25 na Universal asilimia 75. 

Kaimu Posta Masta wa TPC, Fortunatus Kapinga alisema waliingia kimakosa mkataba wa jengo la Posta lililo karibu na Mawasiliano Tower, na sasa wapo kwenye utaratibu wa kuzungumza na mwanasheria wa kampuni.

Pamoja na mikataba mibovu, Dk Ramadhani alisema baadhi ya watumishi wa shirika hilo wamekuwa wakijihusisha na vitendo vya rushwa kwa kufanya malipo hewa kwa wastaafu wa Shirika la Mifuko ya Hifadhi ya Jamii wakitumia mfumo wa Post Giro. 

Post Giro ni mfumo wa kizamani wa malipo kutoka benki moja kwenda benki nyingine na mlipaji ndiye huidhinisha malipo yote. 

Mwenyekiti huyo aliyataja madudu mengine waliyobaini ndani ya shirika hilo kuwa ni kuwepo na tabia ya kupeana ajira kwa upendeleo, kupandishwa vyeo kwa rushwa, fedha au rushwa ya ngono. 

“Kwa mfano vijana walioteuliwa na ofisi ya General Manager, Corperate Resource Management baadhi yao wana dalili za kujihusisha na rushwa. Mfano watumishi waliokuwa na vyeti feki wengi wao walisaidiwa kuviondoa katika majalada yao,” alisema.

Pamoja na madudu hayo mwenyekiti huyo alisema wamebaini ufanisi unadorora kwa kuwa zaidi ya wafanyakazi 120 wana elimu ya darasa la saba na zaidi ya 1,000 wameishia kidato cha nne. 

“Wale wote wenye tabia ya wizi, umangimeza, rushwa, ubadhilifu na ufisadi hawana nafasi,” alisema. 

Dk Ramadhani alisema shirika hilo linasuasua kutokana na wingi wa madeni na hadi Juni, 2016 lilikuwa linadaiwa Sh20.5 bilioni. Kati ya fedha hizo, Sh16 bilioni ni makato ya wafanyakazi yanayotakiwa kwenda Mamlaka ya Mapato (TRA). 

Pia, alisema TPC inaidai Serikali Sh5.5 bilioni, taasisi za umma Sh1.9 bilioni, watu binafsi Sh1.8 bilioni na hivyo kulitaka kuongeza juhudi katika kukusanya madeni.

Read More

#BURUDANI>>>>Tausi Mdegela: Watoto wakiniona wanatafuta vitenesi tucheze.Fahamu zaidi hapa.

Mwigizaji wa bongo muvi kwa upande wa komedi Tausi Mdegela amesema, mara nyingi akiwa sehem za matembezi, watoto wengi wanamkimbilia na wengine kutafuta vitenesi ili wacheze wakidhani supastaa huyo ni mtoto mwenzao.

Watoto wengine wanakuwa wanawasumbua wazazi wao(mama zao) wawanunulie nguo kama alizovaa Tausi. Tausi amesema anapenda sana watoto na muda si mrefu anategemea kufunga ndoa na mchumba wake wa muda mrefu japokuwa hakusema ni lini. Ameongezea pia mchumba ambae anatarajia kufunga nae ndoa ana kimo kirefu mwenye kuweza kuzima taa wanapokuwa chumbani. Muigizaji Tausi ameongea haya wakati anahojiwa na Dina Marios katika kipindi cha uhondo E fm radio.

Read More

#YALIYOJIRI>>>>Shirikisho la vyuo Vikuu lataja Hujuma bodi ya Mikopo- (HESLB).Fahamu zaidi hapa.

Shirikisho la Wanafunzi wa Vyuo vya Elimu ya Juu nchini limemuomba Mdhibiti na Mkaguzi Mkuu wa Hesabu za Serikali (CAG) kufanya ukaguzi wa hesabu za Sh bilioni 1.74 za ada ya uombaji mikopo kwa mwaka huu katika Bodi ya Mikopo (HESLB) ili kujua matumizi ya fedha hizo kwa kuwa kuna mapungufu.

Aidha, shirikisho hilo limedai kubaini hujuma katika bodi hiyo zinazofanywa kwa makusudi ili kuchafua utendaji wa serikali iliyopo madarakani.

Hayo yalisemwa jana na Katibu Mtendaji wa shirikisho hilo, Daniel Zenda alipokuwa anazungumzia tuhuma za hujuma hizo, akidai zinafanywa kwa makusudi ili kurudisha nyuma jitihada njema za serikali.

Alisema ofisi ya CAG inapaswa kufanya ukaguzi wa Sh bilioni 1.74 fedha ambazo zilitokana na ada ya uombaji wa mikopo kwa mwaka huu ambapo kila mwanafunzi alitoa Sh 30,000 kwa waombaji 54,000.

Alisema ni muhimu kujua matumizi ya fedha hizo kutokana na upungufu uliojitokeza katika upitiaji wa sifa na vigezo vya wanaostahili kupata mkopo.

Alifafanua kuwa wanatambua hatua ya serikali katika kuhakikisha wanafunzi wenye sifa wanapata mikopo kwa wakati ambapo takribani Sh bilioni 80 zimeongezwa kwenye bajeti ya bodi hiyo ili kuwezesha mikopo kwa wanafunzi wote wenye sifa.

Zenda alisema Sh bilioni 487 zimepitishwa katika bajeti ya mwaka huu na mwaka jana ilikuwa chini ya makadirio ya Sh bilioni 350, lakini pamoja na kuongezeka kwa fedha hizo idadi ya wanafunzi walionufaika na mikopo imekuwa pungufu.

“Mwaka uliopita wanufaika wa mikopo walikuwa 53,000 na mwaka huu wanufaika wanafunzi 25,700 pamoja na ongezeko la makadirio ya zaidi ya Sh bilioni 137 kwenye bajeti ya Mikopo bado wanafunzi wengi hawajafikiwa,” alisema.

Read More

#BURUDANI>>>> Majibu ya Jux Alipoulizwa Kama ana Mpango wa Kumuoa Vanessa au Kuzaa Nae.Fahamu zaidi hapa.

Msanii Jux amejibu kuwa hajui kama atakuwa na mtoto na Vanessa wala hajui kama atamuoa, ila amesema Vanessa amemsaidia kwenye maisha yake kwa kuwa kuna vitu anavijua na yeye havijui Msikie Hapa:

Read More