#YALIYOJIRI>>MGOMBEA UBUNGE JIMBO LA KINONDONI WA CHAMA CHA ACT WAZALENDO, KARAMA MASUDI "KALAPINA" AZINDUA KAMPENI ZAKE.Fahamu zaidi hapa.

 Mgombea wa ubunge wa jimbo la Kinondoni kwa tiketi ya chama cha ACT Wazalendo Kalapina akikabidhi sera na ilani ya chama cha ACT Wazalendo kwa kiongozi wa chama hicho katika soko la Tandale.

 Mgombea ubunge jimbo la kawe kupitia chama hicho, Janet Joel Akizungumza na wakazi wa tandale alipopata nafasi ya kuwasalimia wananchi wa mtaa huo.

Mgombea wa ubunge wa jimbo la Kinondoni kwa tiketi ya Chama cha ACT Wazalendo Kalapina akizungumza na wakazi wa tandale wakati wa kufungua Kampeni za chama chicho jijini Dar es Salaam.

Baadhi ya vijana wakimshangilia Kalapina baada ya kumaliza kuzungumza na kumwaga sera zake kwa wakazi wa tandale.

Na:Elisa Shunda,Dar

MGOMBEA ubunge jimbo la Kinondoni kupitia chama cha ACT wazalendo,  Karama Masudi “Kalapina” azindua kampeni zake katika eneo soko la Tandale baada ya kushinda kesi ya kuwekewa pingamizi na mgombea ubunge wa jimbo hilo kupitia chama cha mapinduzi (CCM) Iddi Azzan.

Akizungumza na wakazi wa eneo hilo  mgombea huyo alisema kuwa baada ya kuwekewa pingamizi lisilokuwa na mantiki yoyote na mgombea mwenzake  hatimaye baada ya kushinda leo wameamua kufungua kampeni zao na watazunguka jimbo zima kueleza sera za chama chake  na mambo muhimu ambayo atayasimamia endapo wananchi wa jimbo la Kinondoni wakimpa ridhaa ya kuwaongoza.

“Ndugu wananchi baada ya kushinda pingamizi lililowekwa na mgombea mwenzangu hatimeye nimeshinda, nipende kusema kuwa mkini kuchagua mbunge wenu nitahakikisha suala la madawa ya kulevya linaisha katika wilaya yetu kwani matumizi ya madawa ya kulevya yanaondoa nguvu kazi ya taifa kama nilivyoanzisha kipindi cha televisheni katika kuelimisha vijana wenzangu kuachana na matumizi ya madawa ya kulevya ndivyo nitakapoenda kuwasemea kule bungeni juu ya uingizwaji wa madawa ya kulevya nchini uwe mwisho ili kuwakomboa vijana wenzangu na dimbwi hili hatari” alisema Masudi.

Aidha mgombea huyo alizitaja sera zake muhimu atakazosimamia pindi akichaguliwa kuwa mwakilishi wao kuwa ni elimu bora, afya nzuri kwa wananchi wote na kuhakikisha katika jimbo la Kinondoni linakua na miundombinu mizuri ya kupitisha majitaka.

“Endapo mkini chagua kuwa mbunge wenu nitahakikisha nasimamia jimbo letu katika suala la elimu mahitaji yote muhimu kama vitabu, madawati na kuwepo kwa maabara kwenye shule hizo, upande wa afya nitahakikisha dawa zinapatikana kwa wingi katika zahanati zetu pamoja na hospitali ya Mwananyamala na kuhakikisha wakinamama wajawazito hawalali wawili wawili kwenye kitanda kimoja au kulala chini na mwisho nitahakikisha miundombinu ya jimbo la Kinondoni inakuwa katika hali nzuri ili kujiepusha na magonjwa nyemelezi kama kipindupindu nitahakikisha  mifereji itakuwa katika hali nzuri na jimbo letu litabadilika liwe la mfano kama mji wa Manhattan” Alisema Masudi.

Aidha mgombea huyo alimaliza kwa kusema ni wakati wa mabadiliko kwa wakazi wa jimbo la Kinondoni kumchagua mwakilishi atakayeenda kuwasemea matatizo yao na siyo kupeleka watu wenye maslahi yao binafsi ambao wanaenda bungeni kwa ajili ya kuhakikisha biashara zao haramu zinapita kwa urahisi kutokana na wao kuitwa waheshimiwa, pamoja na mgombea huyo alisindikizwa kwenye mkutano huo na mgombea ubunge jimbo la Kawe, Janet Joel, mgombea ubunge jimbo la Tarime,Deo Meck pamoja na kuwaombea kura na kuwanadi wagombea udiwani kata ya Tandale, Makumbusho na Mwananyamala. 

Toa maoni yako hapa.