#BREAKING NEWS>>Lowassa aenguliwa mbio za urais.

 JINA la Edward Lowassa, mmoja wa wasaka urais kwa udi na uvumba, limeenguliwa katika hatua za awali za kinyang’anyiro hicho. Anaandika Saed Kubenea … (endelea). ❝ Taarifa kutoka kwa watu waliokaribu na mmoja wa viongozi wakuu wa Chama Cha Mapinduzi (CCM) zinasema, jina la Lowassa limeondolewa kutokana na shinikizo kutoka kwa baadhi ya viongozi. “Ni kweli kuwa jina la Lowassa limeondolewa katika kinyang’anyiro hiki. Wakubwa wamekuja na msimamo na wameapa kuwa hawataki kumsikia mtu anayeitwa Lowassa akikatiza kuingia NEC ,” ameeleza mtoa taarifa wa gazeti hili. Vikao vya uteuzi vya CCM – Kamati ya Maadili, Kamati Kuu (CC) na Halamashauri Kuu – tayari vimeanza mjini Dodoma mchana huu. Kikao cha NEC kinatarajiwa kuanza saa mbili usiku. Wachambuzi wa mambo ya kisiasa wanasema, ikiwa jina la Lowassa litaondolewa katika hatua hiyo ya awali, basi ndoto za mwanasiasa huyo kushika madaraka ya urais tangu mwaka 1995, zitakuwa zimezimwa. Habari zinasema, kuzimwa kwa ndoto za Lowassa, kunafuatia taarifa kuwa mchakato wa uchujaji majina ya wasaka urais, kuendeshwa na idara ya usalama ya chama ambayo imesheheni “wabaya” wake. Katika hatua nyingine, taarifa zinamnukuu mmoja wa viongozi wa kamati kuu akisema, chombo hicho muhimu katika uteuzi wa wagombea urais, imegawanyika. “Mganyiko unatokana na baadhi ya watu kutaka Lowassa asikatwe, huku wengine wakisema, sharti aondolewe,” anasema mmoja wa watoa taarifa wa gazeti hili.

(REFERENCE)

                          Posted by: Saed Kubenea ,4 mins ago