#MICHEZO>>>>SAMATTA NA TFF MMEJIPANGAJE KUEPUKA YA MESSI NA AFA.Fahamu zaidi hapa.

 

Hadithi ya Tanzania na Argentina inaweza ikawa moja ila tofauti ikawa wahusika. Wakati Messi akiachana na Timu ya Taifa ndio muda mwafaka kwa Tanzania kuthamini mchango wake kwa taifa.

Mengi yatazungumzwa lakini ukweli wa mambo ni maelewano hafifu yaliyopo kati ya viongozi wa Shirikisho la Soka Argentina AFA na Timu ya Taifa. Muda mfupi kabla ya timu kwenda Marekani wachezaji walitaka kugoma kwa madai kwamba AFA haipo upande wao na imekuwa ikifanya mambo kwa maslahi binafsi na sio kwa faida ya mpira na taifa.

Hapa ndipo tunarejea nyuma wakati Samatta na Ulimwengu wanacheza TP Mazembe. Kuna wakati walikuwa majeruhi lakini Watanzania waliwasakama kuwa hawana mapenzi na taifa. Lakini pia kuna wakati walicheza na Timu ya Taifa haikufanya vizuri wakaambiwa wanacheza chini ya kiwango.

Siamini kama Samatta anaweza kuvumilia haya ipo siku atavaa viatu vya Messi na kuamua kuachana na Timu ya Taifa. Mfano mzuri alivyokosa penati kwenye mechi na Misri alisakamwa kwa katuni na misemo ya kila aina ikiwemo msemo wa uliovuma wa “Penati ya Mwendokasi”.

Mchezaji kama Messi hawezi kuyumbishwa na matokeo lakini akikosa ushirikiano ndio pale anapoamua kujiweka kando huku moyoni akidhamiria kuonyesha pengo lake kwa wanaobeza uwepo wake ndani ya kikosi cha taifa.

LIKE PAGE YANGU YA "FACEBOOK" BOFYA HAPA.

                                          INSTAGRAM FOLLOW ME.