#MICHEZO>>>Barcelona wala kipigo kombe la Mabingwa ulaya na kutolewa.Fahamu zaidi hapa.

Ndoto za Barcelona kutetea taji la Ligi ya Mabingwa Ulaya msimu huu kimepotea baada ya jana kukubali kichapo cha mabao 2-0 kutoka kwa Atletico Madrid katika mchezo mkali wa robo fainali uliochezwa katika dimba la Vincent Calderon,Madrid Hispania.

Mabao yote mawili ya Atletico Madrid  yalifungwa na Antoine Griezmann aliyeipeleka timu yake nusu fainali ya ligi ya mabingwa kwa ushindi wa jumla ya mabao 3-2.

Licha ya Barcelona kutawala mchezo huo waliishia kutengeneza nafasi chache tu kutokana na ukuta imara wa vijana wa Diego Simeone ambao walikaba timu nzima nan a kufanya mashambulizi  ya kushtukiza mara kwa mara kitu ambacho kilikiweka kwenye wakati mgumu kikosi cha Luis Enrique.

Atletico Madrid walipa bao lake la kwanza katika dakika ya 36 ya mchezo mfungaji akiwa Griezmann ambaye alimalizia kwa kichwa krisi safi ya “Outer” iliyopigwa na kiungo wa kihispania Saul na kumuacha kipa wa Barcelona Marc-Andre ter Stegen akiwa hana la kufanya.