#MICHEZO>>>Yanga yaifata Simba baada ya kufungwa na Timu ya URA katika mashindano ya Mapinduzi Cup.Fahamu zaidi hapa.

Mashindano ya Mapinduzi Cup yashika kasi baada ya URA ya Uganda kuing’oa Yanga katika michuano ya Kombe la Mapinduzi, hapo jana.

Wakati wengi walitarajia fainali itakuwa Simba dhidi ya Yanga, lakini timu zote zimeshindwa kufika fainali baada ya Mtibwa Sugar kuing’oa Simba katika mechi ya jioni na Yanga ikaondolewa na Waganda hao kwenye Uwanja wa Amaan, Zanzibar.

URA imeitoa Yanga kwa mikwaju 4-3 ya penalti baada ya timu hizo kwenda sare ya 1-1 katika dakika 90.

Yanga walipata bao kupitia Amissi Tambwe katika dakika ya 13 aliyefunga kwa kichwa, URA wakasawazisha kupitia David Lwasa katika dakika ya 83 baada ya kuutegua mtego wa kuotea wa mabeki wa Yanga uliongozwa na Vicent Bossou.

Wakati wa mikwaju ya penalti, Geofrey Mwashiuya na Malimi Busungu walikosa upande wa Yanga wakati Simon Sekito alikosa upande wa URA.

 YANGA: Wamepata penalti 3

Kelvin Yondani PATA

Geofrey Mwashiuya KOSA

Malimi Busungu KOSA

Simon Msuva PATA

Deo Munish PATA

URA: Wamepata penalti 4

Jimmy Kulaba PATA

Simon Sekito KOSA

Sidi Kieune PATA

Deo Otieno PATA

Brian Bwete PATA