#MICHEZO>>>Simba yafungwa na Mtibwa Sugar.Fahamu zaidi hapa.

Timu ya Mtibwa Sugar jana jioni imeonyesha ubabe mbele ya Timu ya Simba baada ya kupata ushindi wa goli moja kwa bila baada ya Kiungo nyota wa Timu ya Mtibwa Sugar, Ibrahim Jeba kuifungia Timu yake ya Mtibwa Sugar na kuiwezesha timu hiyo kutinga fainali ya Kombe la Mapinduzi na kuivua ubingwa Simba.

Jeba ameiwezesha Mtibwa Sugar kutinga fainali kwa bao pekee alilofunga katika kipindi cha kwanza na kuipa ushindi wa bao 1-0 dhidi ya Simba.

Jeba alifunga bao pekee katika dakika ya 45 baada ya kuuwahi mpira uliotemwa na Peter Manyika baada ya shuti la Shiza Kichuya.

Hata hivyo, juhudi za Simba kusawazisha hazikuwa na mafanikio na kikosi hicho kilionekana kutokuwa na mipango kinapofika langoni mwa Mtibwa.

Mara mbili, Ibrahim Ajib na Abdi Banda walipiga mashuti yaliyookolewa na kipa Said Mohammed Nduda na kufanya matokeo yabaki yalivyo.