#YALIYOJIRI>>>Mtoto wa Bilionea wa Kichina amnunulia mbwa wake simu nane za iPhone 7s.Fahamu zaidi hapa.

Baada ya simu mpya za kampuni ya Apple, aina ya iPhone 7s kuingia sokoni kwa mara ya kwanza mwishoni mwa juma lililopita, watu wengi walionekana wakijipanga misururu katika maduka ya kampuni hiyo katika nchi tofauti ili kununua simu hizo.

Nchini China hali ilikuwa vivyo hivyo, lakini kukiwa pia na visa vya watu wakitaka kuziiba Hong Kong.

Lakini licha ya wote waliokuwa wakihangaika kujitahidi kuwa wa kwanza kuipata simu hiyo, mbwa mmoja (Coco) yeye alikuwa ametulia.

Mmiliki wa mbwa huyo, Wang Sicong, ambaye ni mtoto wa bilionea wa Kichina, Wang Juanlin (mwenye utajiri wa takribani dola bilioni 30) alimnunulia mbwa wake simu 8 aina ya iPhone 7s siku zilipowasili nchini China kwa mara ya kwanza.

Watu mbalimbali walikuwa na maoni tofauti katika mtandao wa Weibo huko Uchina kuhusu jambo hilo.

Hii si mara ya kwanza kumnunulia mbwa huyo vitu vya thamani kwani aliwahi kumvalisha saa bili za Apple zenye thamani ya dola elfu 37,000 (Zaidi ya shilingi milioni 70 za Kitanzania).

Wang amekuwa akifanya vioja mbalimbali na mbwa wake huyo kwa kutumia utajiri wa baba yake ambao wakati mwingine wananchi wa  China huchukizwa na matendo yake na kuandika maneno ya kumkashifu kwenye mitandao ya kijamii.