Mkongwe wa hip hop Soggy Doggy ataja kilichomkimbiza kwenye muziki.Fahamu zaidi hapa.

Rapa na mtangazaji mkongwe nchini Tanzania Soggy Doggy  amefunguka sababu zilizomfanya akae kando kwenye ramani ya muziki wa hip hop kwa muda mrefu.

                                                                  Soggy Doggy

Amesema ushindani uliopo kwenye soko la muziki na gharama za ufanyaji wa video zimekuwa ni kubwa, kitu ambacho ni kigumu kukimudu hasa kwa mtu mwenye majukumu kama yeye.

Soggy amezungumza  hayo na kusema muziki unahitaji matumizi makubwa ya pesa kitu ambacho kilimfanya arudie kazi yake ya utangazaji lakini hata kama akitaka kurudi kwenye 'game' lazima arudi kama vijana wa sasa ili muziki wake uonekane bora.

"Nisidanganye kwamba utangazaji ndiyo uliniachisha kuimba, si kweli maisha mengine ya kifamilia ndiyo yalinifanya niache muziki. Muziki wa sasa unahitaji kuwekeza mpaka milioni kumi kwenye video tofauti na zamani ilikuwa laki tatu tu unapata kichupa. maisha yanabadilika kipindi nataka kutoa milioni hizo kwenye video moja mwanangu wa kwanza anatakiwa aingie kidato cha kwanza ndiyo maana nikaamua kuacha kwanza muziki niangalie mambo mengine ya kifamilia. Nafurahi sana Jay Moe alivyopokelewa na hata siku mimi nikirudi kwenye game sitarudi kizembe lazima kwanza nijipange" Alisema Soggy.

Hata hivyo Soggy amewashauri vijana wa sasa wanaofanya muziki kutumia muda mrefu kwenye kuandika na kuhariri mashairi yao ili kuepuka adha za kufungiwa kazi zao na vyombo husika.

  Chanzo:Eatv

Download  Application ya Hebron Malele Blog Kwenye Simu yako Kusoma Habari Zetu Kwa Urahisi>>>>Bonyeza Hapa

                            Follow me instagram>>>Bonyeza Hapa