#YALIYOJIRI>>>>Taarifa kuhusu kesi ya viongozi waliofungua akaunti bandia ya maafa Kagera.Fahamu zaidi hapa.

Watumishi  watatu wa Serikali akiwamo Meneja wa Benki ya CRDB tawi la Bukoba, wamepandishwa kizimbani katika Mahakama ya Hakimu Mkazi Bukoba wakituhumiwa kutaka kujipatia fedha kwa njia za udanganyifu.

Watumishi hao wanadaiwa kutaka kujipatia fedha hizo baada ya kufungua akaunti feki iitwayo kamati ya maafa Kagera kwa ajili ya kukusanya fedha za kusaidia waathirika wa tetemeko la ardhi lililotokea mkoani Kagera Septemba 10 mwaka huu.

Watumishi waliofikishwa mahakamani hapo jana ni aliyekuwa Katibu Tawala wa Mkoa wa Kagera, Amantus Msole, Mkurugenzi wa Manispaa ya Bukoba, Kelvin Makonda, Mhasibu wa Mkoa wa Kagera, Simbaufoo Swai na Meneja wa CRDB tawi la Bukoba, Carlo Sendwa.

Akisoma mashtaka hayo, Wakili wa Serikali, Hashimu Ngole, alidai watuhumiwa hao wanashtakiwa kwa makosa mawili.

Alilitaja shtaka la kwanza kuwa ni kula njama za kutenda kosa la kufungua akaunti feki yenye jina linalofanana na jina la akaunti iliyofunguliwa na Serikali kwa ajili ya waathirika wa tetemeko la ardhi.

Aliitaja akaunti hiyo kuwa ni yenye jina la Kamati Maafa Kagera yenye namba 015225617300.

Kwa mujibu wa wakili huyo, watuhumiwa hao badala ya kutumia akaunti ya Serikali kukusanya fedha za maafa, walifungua akaunti yao waliyoipa jina la Kamati Maafa Kagera yenye namba 0150225617300.

Alilitaja shtaka la pili kuwa ni watuhumiwa kutumia madaraka na vyeo vyao vibaya kinyume cha sheria.

Mawakili wanaowatetea watuhumiwa hao walimwomba hakimu awapatie dhamana wateja wao kwa kuwa bado ni watumishi wa Serikali na wanao uwezo wa kujidhamini wenyewe na hawawezi kutoka nje ya Kagera.

Washtakiwa hao walirejeshwa rumande ambapo kesi hiyo inatarajiwa kuendelea tena leo Septemba 30 na hakimu atatoa maamuzi kuhusu dhamana yao.

Read More

#MICHEZO>>>Ndege BInafsi ya Cristiano Ronaldo Yaanguka, Hakuwemo Ndani.Fahamu zaidi hapa.

Ndege binafsi ya mchezaji wa Real Madrid, Cristiano Ronaldo ilianguka wakati ikitua kwenye uwanja wa ndege wa El Prat jijini Barcelona, Jumatatu. Hakuna majeruhi walioripotiwa.

Kwa mujibu wa ESPN, Ronaldo, aliyekuwa Dortmund kipindi hicho wakati Real Madrid ilikuwa ikijiandaa kwenye mchezo wa ligi ya mabingwa waliotoka sare ya 2-2 katika hatua ya makundi dhidi ya Borussia Dortmund, hakuwa ndani ya ndege hiyo wakati inaanguka.

Mshambuliaji huyo huikodisha ndege hiyo, Gulfstream G200, aliyoinunua kwa €19m kufanya kazi zingine wakati asipokuwa akiitumia.

Kwa mujibu wa taarifa za vyombo vya habari vya Hispania, matairi ya magari hayo yalivunjika wakati ikitua na hivyo kutoka nje ya njia.

Read More

#YALIYOJIRI>>>>Chadema kutoa msimamo wa Oparesheni UKUTA Leo.Fahamu zaidi hapa.

Mwezi mmoja baada ya Chadema kusitisha Operesheni Ukuta kupinga inachokiita ukiukwaji wa haki za binadamu na ukandamizaji wa demokrasia, leo inatarajia kutoa mwelekeo wa mkakati huo.

Operesheni hiyo ilipangwa kuzinduliwa Septemba mosi nchini kwa maandamano na mikutano ya hadhara kama maazimio ya Kamati Kuu ya Chadema, baada ya chama hicho kukumbwa na vikwazo kadhaa kuendesha shughuli zake, ikiwa ni pamoja na kuzuiwa kufanya mikutano ya hadhara.

Siku moja kabla ya kufanyika kwa operesheni hiyo, Mwenyekiti wa Chadema, Freeman Mbowe alitangaza kuisitisha kwa mwezi hadi kesho, ili kutoa fursa kwa viongozi wa dini kusemezana na Rais John Magufuli na Serikali yake.

Jana, Mwanasheria Mkuu wa Chadema, Tundu Lissu alisema: “Kuhusu Ukuta, kesho (leo) tutatoa msimamo wetu juu ya kitu tutakachofanya.”

Alisema operesheni hiyo ilisitishwa kutokana na sababu za msingi zilizoelezwa, hivyo kauli ya chama hicho leo itafafanua kwa kina kuhusu mambo yote yaliyojitokeza katika kipindi hicho cha mwezi.

Kwa upande wake Mkuu wa Idara ya Habari na Mawasiliano
CHADEMA, Tumain Makene alipost taarifa hii katika ukurasa wake;

Wakati viongozi hao wakieleza hayo, hadi jana hakukuwa na taarifa zozote za kufanyika kwa kikao kati ya viongozi wa dini na Serikali.

Viongozi hao waliitaka Serikali na Chadema kufikiria amani ya nchi na kutafuta njia mwafaka za kumaliza msuguano wa kisiasa hasa baada ya chama hicho kushikilia msimamo wake wa kufanya mikutano na maandamano.

Wakati Chadema wakijipanga kutoa tamko lao, Mkuu wa Mkoa wa Dar es Salaam, Paul Makonda jana alisisitiza kuwa Oktoba mosi ni Siku ya Kupanda Miti jijini humo ambapo viongozi mbalimbali watahudhuria.

Read More

#BURUDANI>>>Lulu Diva Amdhalilisha Tiffah Wa Diamond.Fahamu zaidi hapa.

Video queen matata Bongo, Lulu Abbas ‘Lulu Diva’ anadaiwa kumdhalilisha mtoto wa Mbongo Fleva anayefanya vizuri kwa sasa, Nasibu Abdul ‘Diamond’, Latifa ‘Tiffah’ kwa kumuita mbwa wake jina Shikiki, ambalo pia ni jina jingine la utani la mtoto huyo.
Kwa mujibu wa chanzo chetu makini, mrembo huyo amemuita mbwa wake huyo jina hilo, kitu ambacho kimetafsiriwa na wengi kama ni kumdhalilisha mtoto huyo wa staa mkubwa Bongo.
“Jamani Diva anatafuta matatizo makubwa na D i a m o n d , kwanini kampa mbwa wake jina kama hilo ambalo pia huwa linatumiwa na Tiffah? Ana hatari sana,” kilisema chanzo chetu.
Gazeti hili lilipomtafuta Lulu na kumuuliza kuhusu ishu hiyo, alisema ni kweli mbwa wake anaitwa Shikiki lakini hakuwa akijua kwamba mtoto wa Diamond, jina lake lingine ni hilo.
“Jamani mimi sikuwa najua kabisa kama Tiffah, jina lake lingine ni hilo, mimi nilimpa tu kama watu w e n g i n e wanavyowapa m a j i n a mbwa wao,” alisema Diva.

Read More

#YALIYOJIRI>>>>>Utafiti Twaweza: Nchi Haiongozwi Kidikteta.Fahamu zaidi hapa.

Asilimia 58 ya Watanzania wamepinga kauli za baadhi ya wanasiasa kuwa Rais John Magufuli anaendesha nchi kidikteta huku asilimia 31 imesema haina uhakika na jambo hilo.

Aidha, imeelezwa kuwa asilimia 80 ya wananchi wanaona kwamba baada ya uchaguzi juhudi za kimaendeleo zipewe kipaumbele na vyama vya siasa.

Akitoa taarifa za utafiti uliofanywa na Taasisi ya Utafiti ya Twaweza jana Dar es Salaam, Mkurugenzi Mtendaji wa taasisi hiyo, Aidan Eyakuze alisema ni asilimia 11 pekee ya Watanzania ndiyo waliosema nchi hii inaongozwa kidikteta.

“Baadhi ya wanasiasa na wasomi walitafsiri uongozi wa Rais Magufuli kama udikteta na neno hilo likawa mojawapo ya mambo yaliyounda Ukuta, asilimia 11 wanakubaliana na wazo hilo lakini asilimia 58 wanalipinga huku asilimia 31 wanasema hawana uhakika,” alisema Eyakuze.

Alisema kundi kubwa ambalo limejibu kuwa Rais Magufuli ni dikteta ni la vijana na watu matajiri na wenye uwezo wa juu kiuchumi kuliko masikini, wazee na watu wenye elimu ya chini; huku alisema asilimia 29 ya wananchi walio karibu ya vyama vya upinzani wanamuona Rais kuwa ni dikteta na asilimia tano ni wa chama tawala yaani CCM.

Aidha, alisema wananchi wana uelewa tofauti tofauti kuhusu neno udikteta, asilimia 32 walitafsiri kama kutawala kimabavu, asilimia 15 walitafsiri kuwa mtu mmoja ndiye mwenye maamuzi ya nchi nzima, huku asilimia 34 ya watu waliohojiwa hawaelewi maana ya neno hilo.

Katika demokrasia, Eyakuze alisema asilimia 51 ya Watanzania walisema mikutano inasaidia kuiwajibisha serikali huku asilimia 49 ikisema mikutano huvuruga umakini wa serikali na wananchi kudhoofisha shughuli za kimaendeleo.

Katika suala la maandamano, asilimia 50 walisema hawawezi kushiriki maandamano yoyote, asilimia 29 wanaweza kushiriki na asilimia 20 walijibu kuwa hawajui.

“Kati ya takwimu hizo, vijana waliosema wako tayari kushiriki maandamano yoyote na siyo lazima ya ukuta ni asilimia 35, watu wazima ni asilimia 15, wafuasi wa CCM asilimia 27 na wa vyama vya upinzani ni asilimia 43,” alisema Eyakuze.

Aidha alisema kuwa miongoni mwa waliosema kuwa hawatajiunga na maandamano asilimia 45 walisema ni kwa sababu wana wasiwasi itatokea vurugu na asilimia 29 walisema kwa sababu siyo njia sahihi za kutatua matatizo.

Alisema wananchi sita kati ya kumi waliunga mkono kuzuiwa kwa mikutano ya kisiasa wakiwemo wale wa vyama vya upinzani waliunga mkono suala hilo.

“Asilimia 60 waliunga mkono maamuzi ya Rais kuzuia mikutano ya kisiasa huku wazee wengi zaidi ndio walioonekana kuunga mkono zaidi uamuzi huo ambao ni asilimia 70 na vijana asilimia 55 na asilimia 31 ya wafuasi wa vyama vya upinzani wanakubaliana na kuzuiwa kwa maandamano ya Ukuta."

Asilimia 16 wananchi wanafahamu harakati za ukuta na asilimia 79 hawafahamu harakati hizo na miongoni mwa wanaofahamu uelewa wao kuhusu harakati hizo ni asilimia 48. Na kwamba kati ya wanaofahamu ukuta asilimia 50 walijibu wanaunga mkono ukuta na asilimia hamsini hawaungi mkono.

“Asilimia tisa kati ya wanaounga mkono ukuta katika maandamano ya Septemba mosi walipanga kushiriki ambapo ni pamoja na asilimia tatu ya wale wa chama tawala,” alisema.

Katika utafiti huo umeonesha kuwa wananchi hawakubaliani na mbinu zinazotumiwa na baadhi ya vyama vya upinzani katika kuhakikisha demokrasia inalindwa.

Read More

#YALIYOJIRI>>>Waziri Mkuu Kuhamia Dodoma Leo.Fahamu zaidi hapa.

WAZIRI Mkuu, Kassim Majaliwa, anatarajia  kuhamia rasmi Dodoma leo.
Majaliwa anahamia mjini hapa ikiwa ni sehemu ya kutekeleza ahadi ya Serikali ya awamu ya tano ya kuhamia Dodoma ambako ndiko yaliko makao makuu ya nchi.
Julai 25 mwaka huu, katika kilele cha siku ya mashujaa kilichofanyika mkoani hapa, Waziri Mkuu Majaliwa alisema ifikapo Septemba mwaka huu, Serikali itakuwa imehamia mjini hapa.
Hatua hiyo ya  waziri mkuu   ilitangazwa jana na Mkuu wa Mkoa wa Dodoma, Jordan Rugimbana alipozungumza  na waandishi wa habari.
Alisema   Waziri Mkuu anatarajiwa kuwasili leo mchana akitokea   Dar es Salaam alikokuwa akiishi.
“Baada ya kuwasili hapa  atafanya ziara ya siku mbili katika Manispaa ya Dodoma Oktoba mosi na Oktoba 2 mwaka huu   kukagua hatua mbalimbali za maandalizi ya kupokea   Serikali mkoani hapa.
“Wakati wa ziara hiyo, atakagua majengo ya Serikali, maeneo ya kutolea huduma za afya, kituo cha umeme cha Zuzu, masoko, chanzo cha maji Mzakwe na maeneo ya viwanda.
“Kwa hiyo  maandalizi yote muhimu kwa ajili ya mapokezi ya waziri mkuu yamekamilika na uongozi wa mkoa unaendelea kuwajulisha wananchi na wadau wote katika maeneo yatakayohusika na ziara hiyo, washiriki kwa ukamilifu.
“Kwa niaba ya uongozi wa Mkoa wa Dodoma, tunampongeza Waziri Mkuu Majaliwa kwa kuitikia na kutekeleza uamuzi wa Serikali ya awamu ya tano inayoongozwa na Rais John Magufuli kwa kuhamia makao makuu mjini hapa,”

Read More

#YALIYOJIRI>>>>Zanziar Yapitisha Marekebisho ya Katiba Yanayomzuia Rais wa Zanzibar Kushauriana na Kiongozi wa Upinzani.Fahamu zaidi hapa.

Serikali ya Mapinduzi ya Zanzibar (SMZ) imewasilisha marekebisho ya Katiba ya Zanzibar ya 11 ya mwaka 1984, ambayo yatatoa nafasi na kumpa uwezo Rais wa Zanzibar, kuchagua wajumbe wa Baraza la Wawakilishi bila ya kushauriana na Kiongozi wa Upinzani ambaye kwa sasa hayupo katika baraza hilo.

Kwa mujibu wa Waziri wa Nchi, Ofisi ya Rais, Katiba, Sheria, Utumishi wa Umma na Utawala Bora, Haroun Ali Suleiman, katika marekebisho hayo vifungu viwili vinahitaji kufanyiwa marekebisho kikiwemo cha 66 kwa kufanya marekebisho na kufuta maneno ya vyama na kiongozi wa upinzani.

Akifafanua katika kifungu hicho, alisema lengo lake ni kutoa nafasi kwa Rais wa Zanzibar kuchagua nafasi mbili za wajumbe wa Baraza la Wawakilishi bila ya kushauriana na Kiongozi wa Upinzani katika Baraza ambaye kwa sasa hayupo, baada ya Chama cha Wananchi (CUF) kususia Uchaguzi Mkuu wa marudio mwaka huu, na hivyo kutopata mwakilishi yeyote na hivyo kufutika kwa Serikali ya Umoja wa Kitaifa ambayo Katibu Mkuu wa CUF, Maalim Seif Shariff Hamad alikuwa Makamu wa Kwanza wa Rais.

Haroun alisema katika mazingira ya sasa katika Baraza la Wawakilishi, hakuna kiongozi katika Baraza hilo pamoja na vyama vilivyopata wingi wa kura, hatua ambayo imemfanya Rais kushindwa kuteua wajumbe wawili katika Baraza la Wawakilishi.

‘Katika Baraza la Wawakilishi la sasa Rais ameshindwa kuteua wajumbe wawili katika nafasi kumi ambapo anatakiwa ashauriane na kiongozi wa upinzani ambaye hayupo kwa sasa,” alifafanua na kuongeza kuwa Kifungu cha 77(2) kinafuta neno la upinzani lenye uwakilishi ndani ya Baraza la Wawakilishi.

Akifafanua, alisema marekebisho ya Katiba yanayopendekezwa mbele ya Baraza la Wawakilishi, lengo lake kubwa kuimarisha demokrasia na kumpa nafasi Rais kuchagua wajumbe wa Baraza watakaofanya kazi kwa maslahi ya taifa. 

Katiba ya Zanzibar imempa mamlaka Rais wa Zanzibar kuchagua wajumbe 10 katika Baraza la Wawakilishi, ambapo nafasi mbili kwa kushauriana na kiongozi wa upinzani ambaye hayupo kwa sasa.

Wajumbe watatu wa Baraza la Wawakilishi walioteuliwa kutoka katika vyama vya upinzani, wanatokana na nafasi 10 kwa mujibu wa uwezo aliopewa Rais na Katiba. Wajumbe hao watatu kutoka vyama vya upinzani ni Hamad Rashid Mohamed, Juma Ally Khatib na Said Soud Said.

Read More

#BURUDANI>>>>Mwimbaji Ray Vanny Adai Ilifika Wakati Akawa Anaichukia Sauti yake...Afunguka Haya Kuhusu Diamond Platnumz.Fahamu zaidi hapa.

Mwimbaji Raymond Amefunguka ya moyoni kuhusu boss wake aliyemtoa Kimuziki Diamond Platnumz:

Rayvanny
Mengi yako Moyoni Mwangu.lakini kiukweli siamini hapa nilipo.nilikata tamaa,sikujiamini tena kama ntaweza kufika.kuna muda nilijiona sina bahati hadi nikaanza kuichukia sauti yangu.lakini wewe ulinishika mkono nakunionyesha njia mengi umenielekeza haukuishia hapo ukaona unipe nafasi tufanye kazi moja mimi na wewe #SALOME . Am so proud of you @diamondplatnumz

Read More

Je, Wivu ni Dalili ya Mapenzi ya Dhati au Roho Mbaya?..Fahamu zaidi hapa.

Leo nimekutana na huu mjadala mahali ulionifanya nilete hilo swali hapo juu.
Ni hivii, nimekutana na mtu siku za karibuni na kuanzisha urafiki wa kawaida tu. Sasa katika mazungumzo likaja swala la mapenzi na wivu. Mwenzangu anaamini kuwa na wivu sio mapenzi kwa kuwa, wivu ni dalili ya kumnyima mwenzio kupata kile roho inapenda. Kwamba, kwake yeye hata kama ikitokea akaoa, hatomnyima mke wake kutembea na mwanaume mwingine yeyote atayependa. Tena ikibidi atume na video kabisaa ili impe stimu wakati manzi ake analiwa.
Wakuu, je ni kweli wivu ni dalili ya uchoyo? Na kwamba kama unampenda mtu kwa dhati huwezi kuwa mchoyo kwake. Kule uzunguni mume/mke huwa wanapeana nafasi ikitokea mmoja wapo kamtamani mtu mwingine wanakubaliana kuonja. Tuwaeleweje hawa watu? Maana ni binadamu wenzetu.
Nawasilisha hoja kwa majadiliano.
Karibuni

Read More

#YALIYOJIRI>>>>>Raia wa Uganda Alfred Olango auawa na polisi Marekani.Fahamu zaidi hapa.

 Polisi wamekiri kwamba Olango hakuwa na silaha 

Polisi katika jimbo la California, Marekani wanasema wamemuua kwa kumpiga risasi mkimbizi wa Uganda ambaye wanasema alitoa kifaa chenye ncha kali mfukoni na kuwalekezea maafisa "kana kwamba alikuwa anawafyatulia risasi."

Baadaye, imebainika kwamba ilikuwa ni sigara ya kisasa ifahamikayo kama 'e-cigarette'.

Waandamanaji kadha wamejitokeza katika barabara za El Cajon, viungani mwa mji wa San Diego, kulalamikia kuuawa kwa Alfred Okwera Olanfo, aliyekuwa na umri wa miaka 38.

Bw Olango aliuawa Jumanne baada ya polisi kujibu wito kutoka kwa dadake Olanfo ambaye aliitisha msaada.

Aliwaambia maafisa wa polisi kwamba kakake alikuwa anaugua ugonjwa wa kiakili.

Mkuu wa polisi wa El Cajon Jeff Davis amesema Bw Olango alifariki baada ya kupigwa risasi na afisa mmoja. Polisi mwenzake alifyatua risasi za mipira za kumtuliza.

Polisi wamekiri kwamba kifaa alichokuwa nacho hakikuwa silaha.

Badala yake, wamesema alikuwa na sigara ya rangi ya fedha ya urefu wa inchi tatu (7.6cm).

Agnes Hassan, rafiki wa familia ya Bw Olango, anasema alimfahamu mwanamume huyo, ambaye anasema alikuwa na elimu nzuri lakini alikuwa na matatizo ya kiakili.

Bi Hassan anasema alikaa na Olango kwa muda katika kambi ya wakimbizi wakielekea Marekani.

Waandamanaji, akiwemo Bi Agnes Hassan (aliyejifunga kitambaa kichwani), wakilalamikia kuuawa kwa Olango.

Mtaa wa El Cajon, San Diego huishi watu karibu 100,000 na una idadi kubwa ya wakimbizi, wengi ambao walikimbia vita Iraq na Syria.

Read More

#YALIYOJIRI>>>>Pato La Taifa Lakua Kwa Asilimia 7.9.Fahamu zaidi hapa.

Na Veronica Kazimoto

Pato la Taifa limekua kwa jumla ya thamani ya Shilingi trilioni 11.7 katika kipindi cha robo ya pili ya mwaka 2016 ikilinganishwa na Shilingi trilioni 10.9 katika kipindi kama hicho cha mwaka 2015.

Akizungumza na waandishi wa habari leo jijini Dar es Salaam, Mkurugenzi mkuu wa Ofisi ya Taifa ya Takwimu (NBS) Dkt. Albina Chuwa amesema ukuaji wa pato la Taifa umetokana na shughuli za kiuchumi ikiwemo kilimo, mifugo, misitu na uvuvi ambapo shughuli  hizo zimekuwa  kwa asilimia 3.2 ikilinganishwa na ukuaji wa asilimia 1.9 katika kipindi kama hicho mwaka 2015.

Kwa upande wa shughuli za uchumi za viwanda na ujenzi, Dkt. Chuwa alisema kumekua  na ongezeko la asilimia 20.5 katika kipindi hicho ukilinganisha na ukuaji wa asilimia 11.2 mwaka 2015 katika shughuli za uchimbaji madini, mawe na kokoto.

Aidha shughuli za uzalishaji bidhaa na viwanda zimeongeza kwa asilimia 9.1 katika kipindi cha robo ya pili ya mwaka 2016 ukilinganisha na kasi ya asilimia 5.2 ya mwaka 2015.

Shughuli za uchukuzi na uhifadhi, Dkt. Chuwa amesema kuwa shughuli hizo zimekua kwa kiwango cha asilimia 30.6 zikisababishwa  na usafirishaji wa abiria kwa njia ya reli na barabara ikiwa ni pamoja na usafiri wa UDART.

Vilevile, shughuli za fedha na bima zimeongezeka kwa kasi ya asilimia 12.5 ikilinganishwa na asilimia 10.0 iliyopatikana katika kipindi kama hicho mwaka 2015.

Dkt. Chuwa amefafanua kuwa  huduma za elimu zimekua kwa kasi ya asilimia 8.0 katika robo hiyo ya mwaka ikilinganishwa na aslimia 7.4 ya kipindi kama hicho kwa mwaka 2015 ambapo ukuaji wa shughuli hii imetokana na ongezeko la wanafunzi waliodahiliwa mwaka 2016.

Kwa upande wa Nchi za Afrika Mashariki ambazo zimeshachambua na kutoa Pato la Taifa katika kipindi kinachoishia Juni 2016 ni Rwanda ambapo Pato halisi la Nchi ya Rwanda katika kipindi cha Aprili – Juni 2016 limeendelea kukua kwa asilimia 5.4 ikilinganisha na asilimia 7.2 ya miezi kama hiyo mwaka 2015.

Takwimu za Pato la Taifa kwa robo mwaka hupimwa kwa kutumia thamani ya bidhaa na huduma zilizozalishwa nchini katika vipindi vya miezi mitatu mitatu ambavyo ni Januari – Machi, Aprili – Juni, Julai – Septemba na Oktoba – Desemba ambapo hujumuisha shughuli zote za kiuchumi, na hutumika katika kutathmini, kupanga mipango na kutayarisha sera za kiuchumi.

MWISHO.

Read More

#BURUDANI>>>>Hacker Achukua Account ya Instagram ya Mwanamuziki Chege..Ampiga Mkwala wa Nguvu na Kumpa Masharti Haya.Fahamu zaidi hapa.

Account ya Chege Chigunda imehakiwa na Hacker leo na Hacker huyo ametoa msimamo wake kama alivyoandika kupitia Instagram Account hiyo ya Chege :
#Regrann from #chegechigunda - Baada ya maisha kuwa magumu na Serikali kutogawa ajira kazi tu kunyakunyaku wafanyakazi serikalini bila kujua wanaenda kuwa watu wa aina gani mitaani, basi vijana wachawi weusi kama mm acha ile ya mzungu mchawi, tumeamua kujiajiri nakutumia elimu zetu kuhack account ili tu kujiingizia kipato. Maana nimesomea IT Serikali aitaki kunipa ajira ikidai bado inachomoa wafanyakazi fake! Sasa mnataka nibaki mtaani niibe live live? Hapana mm siibi live maana nikichosomea ni behind the scenes. Hahaha. Afu Serikali imeajiri mijitu ambayo haijui ata nn maana ya LOG OUT ipo tu pale TCRA. Mm naamini zile ajira tukipewa sisi vijana wachawi na wamiliki wa mitandao, hakuna mtu atalia kuwa amehackiwa account labda kama password atakuwa anashare na marafiki. Aya cut the Bullshit. Kaka Chege mm nishabiki yako mkubwa sana ila nimechukua I account sababu wewe unavimba sana siku izi mamae. Kitu kidogo tu unavimba wakati unajua kila mtu na cheo chake kwenye I dunia. Sasa ujifunze kwanzia leo sio kila mtu wakumchukulia poa kisa wewe ni Star. Eshimu kila mtu sio umuheshimu mkubwa fela tu. Sasa skia, mm nakupa account yako baada ya masaa ma3 yakufanya matangazo apa na wananchi wangu wasaka tonge kama mm na ww. Yakitimia masaa ma3 nitamtumia mkubwa fella PASSWORD ya I account kwenye DM yake. Afu wewe msanii mkubwa bwana unakosaje hata kuwa na IT master katika team yako? Sasa naanza kupata mwanga kwann DIAMOND PLATNUMZ CHIBU SIMBAAAAAAAA anawakimbiza sana. Jamaa team yake imekamilika sana afu pia avimbi. Angelikuwa anavimba ningeshachukua account yake mapema. Maana mm huwa sihack nachukua kama yangu. Kwaiyo tuliza Pumbu zako baba baada ya masaa ma 3 nakupa account yako iyo yote ni kwasababau napenda muziki wako. Ila acha kunivimbia. Pia uwe unaweka account security bana. OK ndugu zanguni followers wa chege LETENI MATANGAZO DM KWANZIA SASA nina masaa ma3 yakujidai umu Kiroho safi. Na baba chege mzee wa acha waoane. Skia, nikiona mtu anataka kama kuirudisha I account ndani ya masaa aya ma3, AKIYANANI NITAIFUTA I ACCOUNT, NA KUMBUKA NIKISHADELETE HAKUNA FALA ANAWEZA IRUDISHA I ACCOUNT TENA. so be a mother faking Good boy.

Read More

#YALIYOJIRI>>>>PROF. Tibaijuka Akataa Kupokea Shilingi 200 Millioni.Fahamu zaidi hapa.

Mbunge wa Muleba Kusini, Profesa Anne Tibaijuka amesema amepata tuzo nchini Marekani ikiwa ni kuthamini mchango wake akiwa Umoja wa Mataifa lakini akakataa kuchukua fedha dola 100,000( zaidi ya Sh 200 milioni) ambazo huambatana na tuzo hiyo.

Alisema alikataa kupokea fedha hizo kwa sababu maadili ya nchi yetu hayaruhusu kupokea zawadi kama hiyo.

Alisema lakini aliwaeleza kwamba katika mkoa anakotoka kumetokea tetemeko la ardhi na kuna maafa.

Alisema wao wataamua cha kufanya lakini yeye binafsi amekataa kupokea fedha hizo.

Read More

#YALIYOJIRI>>>>Maalim Seif 'Kumshitaki' Lipumba kwa mkuu wa Jeshi la Polisi nchini (IGP).Fahamu zaidi hapa.

KATIBU Mkuu wa Chama cha Wananchi (CUF), Maalim Seif Sharif Hamad, atatua ofisini kwa kiongozi mkuu wa Jeshi la Polisi nchini (IGP), Ernest Mangu, ili kumueleza mkakati wake wa kutua ofisini kwake, Buguruni jijini Dar es Salaam

Maalim anakwenda kwa IGP Mangu kumueleza adhima yake ya kufika ofisi kuu ya chama chake kesho Ijumaa, majira ya saa mbili asubuhi.

Hatua ya Maalim kutinga ofisini kwa IGP imetokana na kitendo cha jeshi la polisi kumsindikiza Prof. Lipumba kurejea ofisini; kusaidia uharibifu wa mali na kushambulia wanachama na wafuasi wa chama hicho.

Azma yake ya kwenda ofisini kwake kesho, inatokana na ofisi hiyo kuvamiwa na aliyepata kuwa mwenyekiti wa chama hicho, Prof. Ibrahim Lipumba na genge la wafuasi wake.

Prof. Lipumba aliyejiuzulu uenyekiti wa CUF, 6 Agosti mwaka jana na miezi 11 baadaye akatangaza kurejea katika nafasi yake, amefukuzwa rasmi uanachama wa chama hicho Jumanne iliyopita na Baraza Kuu la uongozi la Taifa (BKT), lililokutana Visiwani.

Hata hivyo, Prof. Lipumba, ameendelea kung’ang’ania kuwa bado mwenyekiti halali wa chama hicho na msimamo wake huo, unadaiwa kuungwa mkono na msajili wa vyama vya siasa nchini, Jaji Francis Mutungi.

Taarifa zilizopatikana kutoka kwa watu waliokaribu na Maalim Seif zinasema, kiongozi huyo amekwenda kwa IGP Mangu kumtaarifu kuwa yeye na wabunge wa chama hicho, wamepanga kufika Buguruni kwa pamoja.

Anasema, “Maalim Seif anakwenda kumweleza IGP Mangu kwamba, tayari kumekuwepo na viashiria vya uvunjifu wa amani vinavyofanywa na watu wa Prof. Lipumba na kwamba chochote kitakachotokea, yeye na jeshi lake, wanapaswa kubeba msalaba.”

Prof. Lipumba alijiuzulu uenyekiti karibu na uchaguzi mkuu mwaka jana, akakimbilia nje ya nchi huku akidai hakufurahishwa na Edward Lowassa kuwa mgombea urais chini ya mwavuli wa vyama vinne ikiwamo CUF.

Ukawa unaundwa na vyama vinne; Chadema, CUF, NCCR-Mageuzi na National League for Democrats (NLD).

Read More

#BURUDANI>>>>Nuh Mziwanda Azinguana na Uongozi Wake, Adai Viongozi Wanataka Umaarufu Kuliko Kazi.Fahamu zaidi hapa.

Mkali wa wimbo ‘Jike Shupa’ Nuh Mziwanda amezinguana na uongozi wake ambao alikuwa anafanya nao kazi kwa madai umeshindwa kufanya kazi aliyoitaka.
Mapema mwaka huu Petit Man alimchukua msanii huyo na kuamua kumsimamia ikiwa ni wiki chache toka aachane na wasanii wa Endless Fame ya Wema Sepetu.
Nuh amedai yeye ni msanii mkubwa na meneja huyo ameshindwa kumfikisha pale ambapo alikuwa anataka kwenda.
“Nimetoka kule kwa ajili tu ya sababu zangu binafsi inabidi ni’move on, mi sio msanii mdogo inabidi niwe na meneja ambaye anajielewa na anajua msanii ambaye ninaye ni msanii ambaye yupo katika level gani, kama meneja anashindwa kujua msanii ambaye anafanya naye kazi siwezi kudeal naye, kwa sababu nilishapotezaga time katika muziki three years kwenye mapenzi, sa siwezi kupoteza mwezi mmoja kwa mtu ambaye kanikuta tu nimeamua kufanya naye kazi, kwa hiyo ni bullshit mi naachana naye naendelea na mambo yangu mengine”, Nuh Mziwanda alikiambia kipindi cha Planet bongo cha EA Radio.
Aliongeza, “Siyo kwa ubaya kwa uzuri, niliamua kufanya naye kazi, lakini kashindwa kupresent kile kitu ambacho mi nilikihitaji, narudia tena mi ni msanii mkubwa, inabidi ajue msanii mkubwa inabidi awe na nini na nini, kuna vitu avijue kama meneja, sasa kufanya kazi na meneja ambaye na yeye anataka ustar, ni kitu ambacho hakiwezekani”, alisema Nuh Mziwanda.
Nuh Mziwanda pia alisema anaamini jitihada zake ndizo zimemfikisha hapo alipo, na kukanusha kauli ambayo watu wengi wamesema kuwa kwa kuwa sasa ana studio, amekuwa na dharau kwa uongozi wake.

Read More

#MICHEZO>>>TIKETI ZA YANGA VS SIMBA JUMAMOSI, MFUMO MZIMA WA UNUNUZI NA UNUNUE WAPI, SOMA HAPA.

NAMNA YA UPATIKANAJI WA TIKETI MECHI YA YANGA VS SIMBA KUPITIA TIKETI ZA ELEKTRONIK

Read More

#BURUDANI>>>>Chris Brown jukwaa moja na Alikiba Mombasa Kenya.Fahamu zaidi hapa.

Baada ya kuwa msanii Pekee kutoka East Africa kuingia kwenye Nomination za MTVEMA International. Na Baada ya kumfunika Diamond Kule Mombasa. Alikiba ameitwa Tena, Safari hii akiwa na Msanii Mwenye Utukutu mkubwa lakini akiwa kipenzi cha wadada Duniani kote, Mmarekani Chriss Brown. 

Wakati Chris Brown akithibitisha kwenye clip ya video inayosambaa kwenye mitandao tangu jana kuwa Tamasha hilo litafanyika Katika Jiji la Mombasa Tarehe 8 OCtober 2016.

Read More

#YALIYOJIRI>>>>SERIKALI YATAKIWA KUPUNGUZA KODI VIFAA VYA INTERNET.FAHAMU ZAIDI HAPA.

SERIKALI imeshauriwa kupunguza ushuru wa vifaa vinavyotumia intaneti ili kuongeza kasi ya maendeleo ya shughuli za kiuchumi na kijamii zinazotegemea huduma hiyo.

Wito huo umetolewa Dar es Salaam na Mkurugenzi Mkazi wa Kampuni inayotoa huduma za mitandao ya Ericsson, Frode Dyrdal, wakati wa uzinduzi wa mitambo ya gharama nafuu ya kusambaza intaneti.

Alisema huduma ya intaneti inasaidia kuendeleza sekta za elimu, afya, fedha na burudani, hivyo ni kiungo muhimu katika kuinua uchumi wa nchi.

“Wakati sisi tunajitahidi kuhakikisha upatikanaji wa intaneti kwa gharama nafuu, ni vyema serikali ikaangalia namna ya kuwafanya watu wengi wawe na vifaa vinavyotumia intaneti na njia mojawapo ni kupunguza ushuru wa bidhaa za aina hiyo”, alisema.

Alisema utafiti unaonesha kwamba ni watu wanne kati ya 10 ndio wanaoweza kupata intaneti barani Afrika.

Akizungumzia kuhusu mitambo yao, alisema imelenga kutatua changamoto za upatikanaji mdogo, maendeleo endelevu na gharama kubwa za huduma ya intaneti nchini.

Read More

#BURUDANI>>>>Nini Kimemkuta Mwanamuziki Ommy Dimpoz?...Fahamu zaidi hapa.

Wanaukumbi kwema,
Leo naombeni mnijuze nini kimemkuta mwanamuziki Omary Nyembo maarufu kama Ommy Dimpoz ambaye kuna kipindi tuliaminishwa kuwa atakuja kumzidi kama sio kumfunika na kumpoteza kabisa Diamond.
Ikumbukwe Ommy Dimpoz alianza vizuri kwa kutoa vibao matata kama Nainai, Baadae, Tupogo na Ndangushima. Baada ya hapo ametoa nyimbo zilizoshindwa kutamba kabisa...mfano mzuri ni Wanjera. Kwasasa dimpoz amepotea na kafunikwa na vijana wadogo akina Rayvan na Harmonize, Je ni nini kimemsibu staa huyu aliyekuwa anafananishwa na Diamond kwa uwezo wake Kimuziki?

Read More

#YALIYOJIRI>>>Makonda Awaponda Wanaobeza Jitihada za Rais Magufuli, ‘Hawajui Wanalolitaka’.Fahamu zaidi hapa.

Mkuu wa mkoa wa Dar es Salaam, Paul Makonda amemmwagia sifa Rais John Magufuli kwa utendaji wake na kusema yeye ni mtu wa kutenda na sio maneno huku akiwapa vidonge vya wale wanaobeza jitihada zake.
Makonda ametoa kauli hiyo Jumatano hii kwenye uzinduzi wa ndege mpya za ATCL kwenye uwanja wa ndege wa kimataifa wa Julius Nyerere jijini Dar es Salaam.
“Mheshimiwa Rais naomba uendelee kutenda, sisi tumegawanyika kwenye upande wa fikra,kuna watu ambao hawajui wanachokitaka na hata ukiwafanyie yale ambayo ulifikiriA wao wanayataka kumbe sio,” alisema Makonda.
“Ikumbukwe wakati wa bunge tulikuwa tunafuatilia kusikiliza, Tanzania haina ndege tumezidiwa katika nchi za Rwanda tumezidiwa na wapi, umenunua ndege wanaanza kusema ndege zenyewe hazijang’aa, wamekuja kuzioshea airport, hawajui nini wanachokitaka. Hao hao walipiga kelele tunataka elimu bure,angalau na wananchi wa hali ya chini wapate elimu bure, wameanza kusema elimu yenyewe bure wakati majengo yanadondoka! Kwahiyo hawajui wanalolitaka. Hawa hawa wana lalamika foleni Dar es Salaam, umeamua kutujengea barabara hizo hela za barabara ingeenda kwenye chakula tunakufa na njaa, mheshimiwa rais hawajui wanalolitaka,” alieleza.
“Sisi tunaojua tunalolitaka tupo pamoja na wewe, tunakuunga mkono usiku na mchana na tutaendelea kukuunga mkono usiku na mchana na ninaamini kwamba wanasiasa wengi wanasubiri kutimiza ahadi zao katikati au mwishoni mwa kuelekea kampeni wewe hujasubiri, uliahidi ndege mwaka jana leo hata mwaka hujamaliza ndege zimeingia, wewe ni mtendaji ambaye tutaendelea kukuombea,” alisisitiza.

Read More

#BURUDANI>>>>Wema Sepetu Awashukuru Waliomtumia Salamu za Birthday.Fahamu zaidi hapa.

Jumatano hii ilikuwa ni siku ya kuzaliwa ya staa wa filamu Wema Sepetu ambao ndugu, jamaa pamoja na marafiki walimtakia heri na mafanikio mrembo huyo.

Moja kati ya vitu ambavyo vilileta gumzo kwenye mitandao ya kijamii ni baada ya mama Diamond kum-wish malkia huyo wa filamu huku akimkaushia Zari ambaye ni mama watoto wa Diamond.

Pia dada zake na Diamond walim-wish maklia huyo.

Baada ya kupokea salamu za watu mbalimbali kutoka katika kila kona ya dunia malkia huyo wa filamu na yeye aliamua kuwashurudu huku akionyesha kile ambacho hakukitarajia.

Wema kupitia istagram aliandika:
Wow… wow… wow… daah.. sijui cha kuandika.. am just out of words… Wema mimi nitamlipa nini Mungu kwa Neema na Baraka zake anazonijalia kila siku…?? Napenda kutoa shukrani zangu za Dhati kwa mumumu wangu, My family, my management, teamkazi wale kwa kufungua dimba last Night with that amazing suprise… alafu sasa huku insta, snapchat, twitter and kila site ambazo mmepost about My birthday nashindwa cha kusema.. toka nimeamka najitahidi kujibu kila post ninazoziona.. ila zinanielemea… ila ninajitahidi, nitajitahidi na nitahakikisha najibu Kila ambayo nakutana nayo… ila Daaah You Guys mnajua kupenda.. mpaka najiogopa kwa mapenzi mnayonipa.. what should i say?? Wakwe vepe?? Mawifi je?? Wake wenza nao ndani? Boyfriends🙈🙈 nacheka peke yangu….. And sometyms hadi machozi ya furaha yananitoka… Nimekuwa Cry baby wa kujitegemea tokea saa sita usiku…. Na nadhani zoezi litaendelea mpaka siku hii iishe…. Nawapenda jamani… #AmaBeBack

Read More

#MICHEZO>>>>Yusufu Manji akabidhi ekari 700 zitakazojengwa Uwanja wa Klabu ya "YANGA" ufukweni mwa bahari ya Hindi, Gezaulole, Kigamboni.Fahamu zaidi hapa.

Jana Yusufu Manji kaikabidhi Yanga SC hekari 715 kujenga uwanja wa kisasa leo asubuhi hii MO kupitia ukurasa wa Simba SC ametangazwa kulipia kodi ya nyasi bandia zilizokwama kwa muda mrefu bandarini kumalizia ujenzi wa kiwanja cha mazoezi cha timu hiyo pale Bunju. 

Huu ndio ushindani wa jadi ambao vilabu hivi uliuweka kando kwa miaka mingi na kuzifanya kuwa masikini mwenye rasimali za kutosha . 

Natamani kusikia Azam FC nao wanaanza kujenga uwanja wao mkubwa wa kisasa au kuupanua uliopo angalau uweze kuingiza watazamaji 30,000. 

Mbeya City mna ushawishi mkubwa kuwateka wafanyabiashara wakubwa mkoani humo pia kutafuta wadhamini wa maana kujenga uwanja wa kisasa mkoani Mbeya . 

Ndanda FC piga goti kwa Dangote angalau uwanja mzuri kama wa Azam FC lakini si haba wafanyabiashara mkoani humo , wanasiasa maarufu wa mkoa huo hawashindwi kuwapa kiwanja angalau cha bilioni 1. 

Stand na Accacia Kambarage umechoka na wamiliki hawana dalili ya kuukarabati leo wala kesho . Katika udhamini wa bilioni 2 hebu toeni moja kwa kuanzia ujenzi wa kiwanja cha saizi ya kati ili kuondoa dhana ya viwanja vibovu mikoani .

Kila timu iwatazame kulwa na doto hawa katika dhana ya kujifunza kwa miaka mingapi wamepoteza muda na kushindwa kupata misuli sahihi ya kiuchumi kwa uwekezaji wa kisasa na nini wanafanya leo. 

Kuna timu hapa nchini ambazo kwa umri ni wakongwe sana kama zilivyo Yanga na Simba sema kwa sababu hazina ushawishi kitaifa hazitazamwi katika maendeleo ya kisoka kama walivyo Yanga na Simba . Hali hiyo na wao ina wapumbaza wanabaki kimya. 

Toto Afrika toka mwaka 1972 ! Coastal 1936 , Majimaji 1977 na African Sports 1938. Hawa wote watambue wapo nyuma kimaendeleo . Yawapasa kupata viwanja vyao . 

Timu zote zikiwa na fursa hii , ni dhahiri wigo wa ajira kupitia michezo utatanuka na hata masilahi ya nchi kwa misingi ya kodi itatanuka na mwisho siku maendeleo ya taifa kwa ujumla wake.

Read More

#MICHEZO>>>>MO DEWJI AFANYA YAKE SIMBA, AMWAGA MAMILIONI YA MISHAHARA, AAHIDI KULIPIA KODI NYASI BANDIA.FAHAMU ZAIDI HAPA.

TAARIFA KWA VYOMBO VYA HABARI

Klabu ya Simba inayo furaha kubwa ya kutangaza kumshukuru mlezi wake bwana Mohammed Dewji kwa kuanza kutekeleza ahadi zake kwa vitendo.

Dewji maarufu kama Mo tayari ameshaanza kulipia mishahara ya wachezaji, benchi la ufundi na Sekretarieti ya klabu na atafanya hivyo katika kipindi chote cha mpito kuelekea mabadiliko ya kimuundo ya klabu.

Mbali ya hayo mfanyabiashara huyo mkubwa barani Afrika atalipia kodi za nyasi bandia na gharama nyingine za uendeshaji wa klabu.

Uongozi wa Simba unamshukuru sana MO,ukizingatia klabu kwa sasa haina mdhamini na unaamini uwekezaji huo ni chachu ya kuwarejeshea furaha Wanasimba na hatimaye kutwaa ubingwa wa ligi kuu ya msimu huu na misimu mingi ijayo.

Mwisho klabu inawaomba washabiki wake wajitokeze kwa wingi siku ya Jmosi ya Oktoba Mosi pale uwanja wa Taifa,kuishangilia timu yao itakapocheza mechi ya ligi dhidi ya Yanga.

Tunaamini mechi hiyo ni mwendelezo wa furaha kwa wanachama na washabiki wetu kote nchini.

Pia tuwaombe sana kukumbuka kununua tiketi kwa mawakala wa Selcom waliopo katika maeneo mbalimbali.

Ikumbukwe tiketi za mechi hii ni za kieletroniki.

Imetolewa na

HAJI S. MANARA

MKUU WA HABARI

SIMBA SC

SIMBA NGUVU MOJA

Read More

#BURUDANI>>>>Diva: Mastaa wa Bongo waelewe thamani yao, mimi nachaji milioni 3.5 kwa appearance tu.Fahamu zaidi hapa.

Mtangazaji wa Clouds FM, Diva The Bawse amewataka mastaa wa Tanzania kutambua thamani ya brand zao na kuacha kujichukulia poa.

Amedai kuwa mastaa wengi wamekuwa wakitumika bure kufaidisha watu wengine na anadhani ni muhimu wakaacha kujishusha kiasi hicho.

Anadai kwa upande wake yeye, hafanyi kitu bure na kudai kuwa hata kuonekana kwenye saa moja kwenye party ya mtu, ni lazima awe amemlipa.

“My standard rate is 3.5 million in one night that including 30 minutes hosting, na sikai less than hour naondoka,” Diva ameandika kwenye blog yake.

“Ifike stage celebs wajue value yao na sio kutumika tu kwa faida ya watu wengine. Chochote unaona pia napost kwenye account zangu za mitandao kinalipiwa., lazima ujue kama wewe ni maarufu lazima ulipwe hata kutweet brand ya mtu mwingine,” ameongeza.

Mtangazaji huyo ana zaidi ya followers milioni 1.1 kwenye Instagram na amekuwa akiingiza mkwanja mrefu kwa kupost matangazo mbalimbali.

Read More

#MICHEZO>>>>>WALCOTT 'SHOZINIGA' WA ARSENAL, APIGA MBILI, VIJANA WA WENGER WAIBUKA NA USHINDI WA 2-0 VS BASLE LIGI YA MABINGWA.FAHAMU ZAIDI HAPA.

ARSENAL (4-2-3-1): Ospina 6.5; Bellerin 8, Mustafi 7, Koscielny 7, Monreal 7; Cazorla 7.5, G Xhaka 7; Walcott 8.5 Oxlade-Chamberlain 70), 6 Ozil 7.5, Iwobi 7 (Elneny 70, 6); Sanchez 8. 

Subs not used: Cech, Gibbs, Gabriel, Perez, Reine-Adelaide. 

Scorer: Walcott (7, 26) 

Manager: Arsene Wenger 8

BASLE (3-5-2): Vaclik 7; Suchy 5.5, T Xhaka 6, Balanta 6; M Lang 6, B Bjarnsson 6 (Delgado 79, 5.5), Zuffi 6.5 (Elyounoussi, 5.5), Franson 6.5, Traore 6; Doumbia 6 (Sporar 57, 6), Steffen 6. 

Subs not used: Vailati, Gaber, Hoegh, Calla. 

Booked: Suchy, Elyounoussi.

Manager: Urs Fischer 6

Referee: Danny Makkelie (Holland) 6.5

Attendance: 59,993

Man of the match: Walcott

Read More

#BURUDANI>>>>>>Chidi alikuwa apelekwe Ulaya kwenye matibabu kama angemaliza muda wa matibabu Sober House – Kalapina.Fahamu zaidi hapa.

Rapper Kalapina mmoja kati ya wadau ambao walimsaidia Chidi Benz kumpeleka Sober House amefunguka kwa kusema kuwa kitendo cha Chidi Benz kukatisha muda wa matibabu akiwa Sober House kumemkosesha vitu vingi pamoja na kupelekwa Ulaya kwa ajili ya matibabu.
Akiongea katika kipindi cha Planet Bongo cha EA Radio Jumanne hii, Kalapina amesema Chid Benz alikuwa hajapata matibabu sahihi alipotoka ‘sober house’.
“Chid Benz hakumaliza muda wa matibabu alivyotoka ‘sober house’ ndani ya siku 28, kwahiyo mi namuomba afikirie faida alizozipata sober na faida anazozipata sasa hivi akiwa mtaani, nafasi bado ipo kwake kwa sababu tumeplay part kubwa hadi Chid Benz akae sawa, kwa hiyo anatakiwa atusikilize, nafasi ipo kubwa kwa Chid Benz kuweza kujisahihisha”, alisema Kalapina.
Kalapina amesema Chidi Benz alipata wafadhili wa kumpeleka nchi za nje kwa matibabu zaidi, lakini ikashindikana kutokana na kitendo hicho.
“Kulikuwa kuna safari ya yeye na Ray C kupelekwa Ulaya, wafadhili walikuwa wanataka kuwapeleka Ulaya kwa matibabu zaidi, lakini ilitakiwa subira kidogo, ndani ya siku 28 yeye amechoka kukaa sober anataka kukaa mtaani, sasa wafadhili wakishaona uko mtaani tena ku’invest hela yao inakuwa ngumu wanaona bado hujapona”, alisema Kalapina

Read More

#YALIYOJIRI>>>>>Vijue Viwanja ambavyo Ndege Mbili za (ATCL) Zitakwenda.Fahamu zaidi hapa.

Waziri Mbarawa alitaja viwanja 12 vitakavyotumiwa na ndege hizi ambayo 11 ni vya ndani ya nchi na kimoja ni cha nje ya nchi. Viwanja hivyo ni;-
1. Dar es Salaam
2. Zanzibar
3. Mwanza
4. Dodoma
5. Arusha
6. Bukoba
7. Kigoma
8. Tabora
9. Kilimanjaro
10. Mbeya
11. Mtwara na
12. Comoros.
Akiweka msisitizo wakati wa kuhitimisha hotuba, Waziri Mbarawa alisema kuwa ndege hizi si mali ya Shirika la Ndege la Tanzania (ATCL) bali ni mali ya serikali, hivyo ATCL watazitumia kwa mfumo wa kukodisha

Read More

#BURUDANI>>>>Agness Masogange Aamua Kupima Ukimwi na Kutuonyesha Kukata Mzizi wa Fitina.Fahamu zaidi hapa.

 Baada ya Mrembo Tunda kuanika Majibu yake ya Ngoma tukayaona...Agnes Masogange nayeye awafunga midomo walikuwa wakimsema ana Ugonjwa...Aanika wazi majibu yake. .imethibishwa kuwa Hana HIV...je ukipata nafasi utamshauri nini? ?? Tia neno kwako.

Read More

#YALIYOJIRI>>>>Serikali kununua treni ya umeme mwakani.Fahamu zaidi hapa.

Serikali ya awamu ya tano chini ya Rais John Pombe Magufuli imepanga kununua treni ya umeme inayotarajiwa kuwasilini nchini mwezi Juni, 2017.

Treni hiyo inatarajiwa kufanya safari katika jiji la Dar es Salaam.

Rais Magufuli amesema serikali inauwezo wa kutekeleza ahadi hiyo kwa kuwa fedha za kununulia treni hiyo zipo.

Pia Magufuli amesema serikali iko katika harakati za uboreshaji na ujenzi wa miundo mbinu ya usafiri, ikiweno ujenzi wa reli za kisasa kuanzia Dar es Salaam, Mwanza na nchi jirani ikiwemo ya Rwanda.

Vile vile serikali yake iko katika hatua za ujenzi wa daraja la kisasa litakalo anzia maeneo ya daraja la Sarenda litakalo pitia baharini.

Hadi sasa miradi mbalimbali ya ujenzi wa miundombinu inaendelea nchi nzima ikiwemo mradi wa barabara za juu (Flyover) maeneo ya Tazara.

Aidha, Dk. Magufuli amesema serikali yake iko katika hatua za kutengeneza na kuboresha miji yake ili iwe ya kisasa.

Read More

#BURUDANI>>>>>Kupatwa Kwa Mrembo Huddah: Azama Kimapenzi Kwa Mchagga!...Fahamu zaidi hapa.

 Haya jamani yule Sosholaiti wa Kenya kazama kwa Mchaga wa Kishumundu (Sina uhakika). Kaka huyo ajulikanaye kama Danford Kessy amemteka mrembo huyo ambaye amekiri kuwa ni muda mrefu amekuwa akijilinda lakini sasa amefika bei kwa Mkaka huyo Handsome
Tazama Picha ya mwanaume huyo hapa:

Read More