Baada ya kumalizana na Simba: SportPesa watua Jangwani kwa kishindo (+Video).

Kampuni ya kubashiri ya SportPesa imetangaza rasmi kuingia mkataba wa udhamini na Mabingwa wa Ligi kuu Tanzania bara msimu huu,Young Africans kwa miaka mitano.

Klabu hiyo itaingiza kiasi cha zaidi ya shilingi Bilioni 5 huku wakianza kulipwa Shilingi milioni 950 kwa msimu ujao na ongezeko la asilimia 5% kila msimu.

Mkurugenzi wa SportPesa Tanzania Bw. Abbas Tarimba amesema fedha hizo zitagawia kwa awamu tatu ndani ya msimu mmoja lakini kutakuwa na bonus kwa kila kombe litakalochukuliwa na Yanga.

“Mbali na fedha zitakazotelewa na SportPesa pia kutakuwa na bonus ambapo kama Yanga watachukua ubingwa wa Ligi kuu msimu ujao watapata bonus ya shilingi milioni 100 na bonus nyingine Kama wakifikia kila hatua kwenye michuano ya kimataifa kuna pesa watapata” alisema Abbas Tarimba.

Makamu Mwenyekiti wa Yanga Clement Sanga wakikabidhiana mkataba na CEO wa SportPesa, Pavel Slavkov.

Klabu ya Young Africans inakuwa klabu ya pili kudhaminiwa na Kampuni ya SportPesa nchini Tanzania baada ya mahasimu wao Simba kumwaga wino wiki iliyopita.

SportPesa kwa sasa ni mdhamini wa Klabu ya Hull City na Everton ambazo zinashiriki Ligi kuu England.
Pia nchini Kenya wanaidhamini Klabu ya Gor Mahia na AFC Leopards ambazo zinashiriki Ligi kuu ya nchi hiyo.
 Download  Application ya Hebron Malele Blog Kwenye Simu yako Kusoma Habari Zetu Kwa Urahisi>>>>Bonyeza Hapa

                            Follow me instagram>>>Bonyeza Hapa
                       Facebook page like hapa>>>Bonyeza Hapa
                       Jiunge na group la whatsapp>>>Bonyeza Hapa