#YALIYOJIRI>>>>TRUMP AMPAMBA PUTIN NA KUMPONDA OBAMA.FAHAMU ZAIDI HAPA.

Ule usemi wa nabii hakubaliki kwao umejidhihirisha rasmi baada ya mgombea Urais wa Marekani kwa tiketi ya Chama cha Republican Donald Trump kumwagia sifa Rais wa Urusi Vladimir Putin na kusema yeye ni zaidi ya Rais wa sasa wa Marekani Barack Obama.

Trump aliyasema hayo wakati yeye na mpinzani wake katika mbio za Urais Hillary Clinton walipokuwa wakiulizwa maswali na wanajeshi wastaafu. Trump amesema hayo wakati huu ambapo Mkuu wa Idara ya Ulinzi ya Marekani akiituhumu Urusi kwa kupandikiza mbegu za uhasama na misukosuko duniani.

Wakati Trump akieleza hoja hiyo, mpinzani wakeHillary Clinton yeye kwa upande wake amejitetea kuwa alifanya maamuzi sahihi na yenye tija kipindi akiwa kwenye nyadhifa serikalini, hata hivyo mwanamama huyo anashutumiwa kwa kutumia anwani yake binafsi kutuma na kupokea barua pepe rasmi za serikali jambo ambalo linadhaniwa kuhatarisha usalama wa taifa hilo kubwa duniani.

Hii si mara ya kwanza kwa Donald Trump kumsifia Rais wa Urusi Vladimir Putin  kwani amekuwa akifanya hivyo mara kwa mara na hata alipotakiwa kueleza angeweza kutoa asilimia ngapi katika uongozi wa Putin alijibu kuwa anampa asilimia 82 na kuongeza kuwa atashirikiana nae vema endapo atachaguliwa kuwa Rais wa Marekani.