#BURUDANI>>>MASKINI NEY WA MITEGO ,BASATA WASEMA ANAPOTOSHA UMMA ADHABU IKO PALEPALE ..HATASHIRIKI FIESTA.FAHAMU ZAIDI HAPA.

Baraza la sanaa tanzania (BASATA)kupitia kwa katibu mtendaji wa baraza hilo Bw,Godfrey Mungereza limesema halitambui chochote kuhusiana na taarifa zinazo zagaa kwenye mitandao kuhusu kumalizana na msanii huyo wa Bongo fleva.

Amesema hayo alipokuwa akifanya mahojiano na Mwandishi wa Dar24 ofisini kwake jijini Dar es salaam mapema hii leo,Mungereza amesema kuwa hawajamalizana chochote na wala msanii huyo hajawahi kufika katika ofisi za baraza hilo kupeleka marekebisho ya wimbo wake uliofungiwa tangu afungiwe kujihusisha na muziki  ”Hakuna chochote tulichomalizana kama anavyodai,na haya mambo yanaenda kisheria”alisema Mungereza.

Aidha Mungereza aliongeza kuwa Basata imesikitishwa na kitendo cha Ney kuji tangazia kuwa amefunguliwa wakati adhabu bado inaendelea na kutanabaisha kwamba baraza hilo halina ugomvi nae  bali wanachomtaka ni kufuata maagizo waliyompa ikiwa ni pamoja na kuomba radhi watanzania ili aendelee na shughuli za ki muziki kwa sababu wimbo ule ulikuwa una dhalilisha wanawake na akina mama.

Hata hivyo aliongeza kuwa msanii ni kioo cha jamii hivyo wanatakiwa kujielewa na kujitambua na wakienda tofauti na maadili sheria itawashughulikia na basata huwa inatoa ushauri kwa wasanii mbali mbali,
Kwa upande wake Ney alipotakiwa kuthibitisha taarifa hizo zinazozagaa kwenye mitandao kuwa ni yeye aliyetangaza kumalizana na Basata alikili na kusema ni kweli  alitangaza na kusema kuwa marekebisho yote ya wimbo yamekamilika na kuliomba Baraza kumsaidia kibinadamu na si kisheria,                                                                                                                                                                                                                                                                                                                                                                                                                                                                                                                                                   ”Kaka naomba unisaidie mdogo wako,mimi ni kama mtoto wako nimetumia gharama kubwa mno kufanya shooting ya wimbo huu na muda unazidi kwenda  naomba unisadie nimalize tatizo hili vinginevyo ntaingia hasara kaka”  alisikika Ney