Msanii mkongwe Jay Moe asema ukimya wake umemfanya ajue wasanii wenzake huwaga wanakosea wapi.Fahamu zaidi Bofya hii link hapa.

Msanii mkongwe wa muziki wa Hip Hop nchini, Jay Moe amesema ukimya wake kwenye game la muziki umemfanya ajue wasanii wenzake huwaga wanakosea wapi.

Rappa huyo ambaye amedai amekaa miaka 4 bila kutoa ngoma yake binafsi, ameiambia Bongo5 kuwa amegundua style mpya ambavyo itamfanya afanye vizuri zaidi.

“Unajua kuna kitu fulani kama malaika anakwambia acha hiki fanya hiki, alafu kweli unakifanya na unaona kabisa leo kinaleta manufaa, nimejifunza vitu vingi sana, sasa hivi wasanii wenzangu wanakuja na nyimbo mpya sometime nakuta nacheka, naona mbona nyimbo hii bado haipo kwenye muziki wa siku hizi. Hii time ambayo nilikuwa nje ya muziki nimejikuta nimesoma vitu mpaka vilivyo mbele yangu,” alisema Jay Moe

Aliongeza, “Pia ukimya wangu nilikuwa napanga mambo mengine nje ya muziki, hatuwezi tukafocus kwenye muziki tu, tumeshakuwa watu wazima wengine, huko tunakoelekea tutafanya muziki labda miaka 4 tu. Hatuna muziki wa Marekani wa kuona akina Dr Dre bado wananufaika kazi zao mpaka leo,” alisema Jay Moe.

Jay Moe amesema anajipanga kuachia wimbo wake mpya uitwao ‘Pesa ya Madafu’.