Je Wasanii wanaogopa kufanya Collabo na Lady Jaydee sababu ya nyimbo zao kutochezwa Clouds Fm? Jide amejibu hivi.Fahamu zaidi hapa.

Ni muda mrefu sasa kumekuwa hakuna maelewano mazuri kati ya Clouds Fm na Mwanamuziki Lady Jaydee, Kumekuwepo na imani kuwa wasanii wengi wanaogopa kumshirikisha Lady Jaydee kwasababu wanaamini Clouds FM haitoishia tu kutoucheza wimbo huo bali hata zingine zijazo.

Akiongea kupitia kituo cha redio cha Nyemo FM cha mjini Dodoma alikoenda kwaajili ya show yake iliyofana ya Naamka Tena Concert.

“Inawezekana pia lakini hawawezi kusema labda moja kwa moja,” Jide alimjibu mtangazaji wa redio hiyo, Winston Makangale.

“Lakini pia sio vizuri umwongelee mtu ambaye hujui mawazo yake yanafikiria nini au pengine unaweza ukaongea hivyo halafu ikawa sio hivyo ukawa umemsingizia,” aliongeza.

“Kwahiyo nafikiri hilo tuwaachie wao kila mmoja atakuwa anajua kwa nafsi yake kama anaweza au hawezi na sababu zipi zinazopelekea aweze na sababu zipi zinazopelekea asiweze. Lakini la msingi kila mmoja afanye muziki wake kwa nafasi yake na watu waweze kuburudika.”
 
“Mimi sina tatizo na mtu yeyote ambaye atakuwa yupo tayari kufanya kazi na mimi,” Jaydee alijibu baada ya mtangazaji kusema anatamani kusikia collabo yake na Diamond.
“Bado hatujakutana na wala hatujawahi kukaa kuzungumzia kuhusiana na collabo.”